रोमापा 1:30 - ॱलोवा

³⁰ धाङ ॱमेटा पाप्‍कीन धाङ को़न्‍क्षोकला दाङा झ्‍यीगीन धाङ मीला ॱङ्याप्‍चो़ स्‍येगीन धाङ ङागेल्‍चेन धाङ राङतो़ झ्‍यीगीन हो़तालाक। खुङक्‍या ङेन्‍पा झ्‍यीयेगी थापस्‍यी चागीन धाङ राङगी फामाला ॱमीचीगीन

रोमापा 1:30 Iomraidhean Croise

मेथा 15:4

घीझ्‍येरी ॱनाना को़न्‍क्षोकगी काला, ‘राङगी फामाला चीकुर झ्‍यी।’ धेनी ‘राङगी फामाला छीक ङेन्‍पा ॱनागीनगोला सेराङ घोगुलाक।’ ॱनेरी सुङ हो़तालाक।

मेथा 16:21

होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

लुका 21:16

खीकी फामा धाङ आज्‍यो-नो धाङ पी़नक्‍या धाङ रोवाक्‍यागीयाः, खेक्‍याला डागी लाक्‍पाला ची ग्‍याप्‍कीलाक धेनी खे रीङगाला खुङक्‍याई सेदु च्‍युक्‍कीलाक।

योहान्‍ना 7:7

जीक्‍तेनगी खेक्‍याला दाङा झ्‍यी ॱमीथुक्‍कीलाक हीना ङी जीक्‍तेनगी लेगाक्‍या ङेन्‍पा हीन्‍गीनगी पाङपो झ्‍येरी, ङाला दाङा झ्‍यीदालाक।

जेपा 5:36

धी़ च्‍यीकला थेहुदा ॱनागीन मी च्‍यीक राङ-राङला मी खाक्‍क्षे च्‍यीक हीन ॱनेरी होवालाक। धेनी मी श्‍यीपग्‍या चो़ खी़ स्‍याबाला डावालाक। हीना खोला सेपालाक धेनी खी़ स्‍याम्‍ला डागीन घीरी ठेथोरी सोरी, खी़ लेगा घीरी मेताला सोवालाक।

रोमापा 2:17

हीना ख्‍यो़ याहुदापा च्‍यीक हीन ॱनेरी ॱनाना, धेनी क्षो़ठीमला तेन्‍ना धेनी को़न्‍क्षोकमुला हो़गीन ढेवाला ङोम्‍सो झ्‍यीना,

रोमापा 2:23

क्षो़ठीमला ङोम्‍सो झ्‍यीगीन ख्‍यो़, क्षो़ठीमला ॱमीचीला को़न्‍क्षोकला ॱमेबेप झ्‍यीदाले?

रोमापा 3:27

धा ॱहाना होराङ घीन्‍गी कोरला, ङोम्‍सो झ्‍यीगुलाक से? ङोम्‍सो झ्‍यीये घीयाः मेतालाक। क्षो़ठीम घारेगी झ्‍येरी लाक से? लेगा झ्‍यीघोये क्षो़ठीमगी झ्‍येरी ले? मालाक हीना, होरी धेपागी झ्‍येरी लाक।

२ कोरीन्‍थुपा 10:15

हेक्‍या हेरी छेने दारी, श्‍येम्‍माक्‍याई काल्‍ले ग्‍याप्‍कीनगोला ङोम्‍सो मीझ्‍यीहो़क। हीना खेक्‍याई धेपागो छारती डोवाराङ, खेक्‍याई खोक्‍दु हीकी लेगागी छामगो ग्‍याक्षेरु डोवास्‍योक ॱनेरी, हीकी रेवा हो़क।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

२ तीमोथेउ 3:2

घीझ्‍येरी ॱनाना मीक्‍या राङला क्षाक्‍कीन धाङ ॱङुला क्षाक्‍कीन, पोवा क्षे धाङ ङागेल्‍चेन, छीक चुक्‍वा ॱनागीन धाङ फामाला ॱमीचीगीन, डीन मेढेन्‍गीन धाङ क्षो़ला ॱमीचीगीन

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

याकोब 3:5

देरेराङ झ्‍येरी च्‍येमो नी, ली़गी येन्‍लाक च्‍युङा च्‍यीक हीन्‍नाः, दो़न क्षे-क्षेगी खाप्‍ले स्‍येतालाक। तो़दाङ, मेचे च्‍युङा च्‍यीकगीया स्‍यीङनाक क्षेला ॱरालाक।

याकोब 4:16

हीना धान्‍दा, खेक्‍या ङागेल च्‍यारी खाप्‍ले स्‍येदी। देरे खाप्‍ले स्‍येगीन घीरी ङेन्‍पा लाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।