रोमापा 1:25 - ॱलोवा

²⁵ घीझ्‍येरी ॱनाना खुङक्‍याई को़न्‍क्षोकगी धेन्‍पागो शोकमुला ज्‍येवालाक। धेनी को़पापोगी छापला को़कागोला क्षाक्‍क्षो़पा पुये धाङ श्‍याप्‍ची श्‍युये झ्‍यीदालाक। खोङ को़पापो नी, धी़ तेन्‍दु झ्‍यीलाप्‍चेन लाक। आमेन।

रोमापा 1:25 Iomraidhean Croise

मेथा 10:37

ङालाः ल्‍हाक, राङगी फामाला चेवा झ्‍यीना, होदेला ङी मी झ्‍युङयेगी आङजा मेक धेनी ङालाः ल्‍हाक राङगी भु धाङ भोमोला चेवा झ्‍यीना, होदेला ङी मी झ्‍युङयेगी आङजा मेक।

मेथा 6:24

“मी च्‍यीक दाक्‍पो ॱङीगी ॱयोक ग्‍युक ॱमीथुवालाक घीझ्‍येरी ॱनाना ख्‍यी़ च्‍यीकला दाङा झ्‍यीना, श्‍येम्‍मागोला चेवा झ्‍यीगीलाक। याङ च्‍यीकला ॱलो काना, श्‍येम्‍मागोला थोङछुङ झ्‍यीगीलाक। ख्‍यो़ को़न्‍क्षोक धाङ ॱङु ॱङीगारागी ॱयोक ग्‍युक ॱमीथुक्‍वालाक।

योहान्‍ना 2:8

धेनी खोङबागी खुङक्‍याला सुवालाक, “धा होदेने तीते च्‍यीक तो़न्‍दी डो़नगी ॱङेरपाचारु खेर।” होझ्‍येरी खुङक्‍याई खेरती सोवालाक।

रोमापा 1:18

घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 1:23

धेनी छीवा मेगीन, को़न्‍क्षोकगी शीजेगो छीवा हो़गीन, मी धाङ झ्‍या धाङ धी़डो धाङ तोडोक्‍या च्‍योक्‍रे थोङगीन, कुन्‍डाक्‍यामुला खुङक्‍याई ज्‍येलालाक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

२ कोरीन्‍थुपा 11:31

ङा शोक ॱमेस्‍येदालाक ॱनेरी, ग्‍युने ग्‍युन्‍दु तो़पा हो़गीन, चोवो येशुगी याप को़न्‍क्षोकगी खेन्‍दा जेदालाक।

एफीसुपा 3:21

क्षो़छोक धाङ मास्‍यीका येशुगी थोक्‍ने, मीरापने मीराप थुक्‍पे ग्‍युने ग्‍युन्‍दु तो़पा हुङास्‍योक। आमेन।

१ थेसालोनीकेपा 1:9

घीझ्‍येरी ॱनाना खेक्‍याई हेक्‍याला फेप श्‍यी़गीन धाङ कुन्‍डाक्‍याला भोरती, खेक्‍या सो़न्‍पो धाङ धेन्‍पा, को़न्‍क्षोकला ॱङीङकुर श्‍यी़येला हुङगीन धाङ

१ तीमोथेउ 1:17

धी़ तेन्‍दु ॱनेगीन ग्‍यावु, जोक्‍ये मेगीन, ॱमीकगी थोङ ॱमीथुप्‍कीन को़न्‍क्षोक च्‍यीक च्‍यीक्‍पोला, ग्‍युने ग्‍युन्‍दु कुरती धाङ तो़पा झ्‍युङवास्‍योक। आमेन।

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।