रोमापा 1:21 - ॱलोवा

²¹ घीझ्‍येरी ॱनाना मी देक्‍याई को़न्‍क्षोकला ङोस्‍येरीयाः, खोङला पु घो़गीन कुरतीगो ॱमापुवालाक धेनी काटीन्‍क्षे गोवाः माश्‍यी़वालाक। हीना खुङक्‍याई साम्‍लो ताङदाङगो, क्षोमेगीन धाङ खुङक्‍याई ॱलेन्‍दा सेमगो मी़नाकगी खावालाक।

रोमापा 1:21 Iomraidhean Croise

योहान्‍ना 3:19

धा ठीम्‍चो़गी दो़न्‍दाकगो देराङ लाक; हो़गो जीक्‍तेनदु फेप्‍सालाक हीना मीक्‍याई ले ङेन्‍पागी झ्‍येरी खुङक्‍याई हो़ले मी़नाकला घावालाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 1:19

को़न्‍क्षोकगी कोरला घी ॱहाघो थुप्‍कीनगो, खुङक्‍याला सावो हो़तालाक घीझ्‍येरी ॱनाना को़न्‍क्षोक राङगी खुङक्‍याला सावो तो़न जे हो़तालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 11:10

खुङक्‍याई ॱमेथोङये क्षीदु खुङक्‍याई ॱमीक डीप्‍पास्‍योक, धेनी खुङक्‍याई केपा च्‍योई घु-घुला ग्‍युरास्‍योक।”

२ तीमोथेउ 3:2

घीझ्‍येरी ॱनाना मीक्‍या राङला क्षाक्‍कीन धाङ ॱङुला क्षाक्‍कीन, पोवा क्षे धाङ ङागेल्‍चेन, छीक चुक्‍वा ॱनागीन धाङ फामाला ॱमीचीगीन, डीन मेढेन्‍गीन धाङ क्षो़ला ॱमीचीगीन

१ पेटो 1:18

घीझ्‍येरी ॱनाना को़न्‍क्षोकगी खीकी धाङबी फामाने झ्‍युजा दो़न मेगीन चो़लामक्‍याने, खेक्‍याला मेताला डुगीन सेर याङना ॱङुगी रीङ ज्‍यारी ॱली़वा मेन्‍दा,

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

ॱङो़न्‍पा 14:7

खोङबागी सुङकेक क्षेला सुवालाक, “को़न्‍क्षोकला जीक्‍नाङ झ्‍यी धेनी तो़पा पु घीझ्‍येरी ॱनाना खोङबागी ठीम्‍चो़गी धी़चो़गो ॱलेप्‍दुक। नाम्‍खे श्‍यीङखाम धाङ साश्‍यी धाङ ग्‍याछो धाङ क्षु क्षुमीकक्‍या को़ जेगीन, खोङबाला क्षाक्‍क्षो़पा पु।”

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”