रोमापा 1:18 - ॱलोवा

¹⁸ घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 1:18 Iomraidhean Croise

रोमापा 1:19

को़न्‍क्षोकगी कोरला घी ॱहाघो थुप्‍कीनगो, खुङक्‍याला सावो हो़तालाक घीझ्‍येरी ॱनाना को़न्‍क्षोक राङगी खुङक्‍याला सावो तो़न जे हो़तालाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 1:32

देरे लेगा झ्‍यीगीनक्‍याला, को़न्‍क्षोकगी ढाङतेनगी ठीमला छीवे ङेपा फोक्‍कीलाक ॱनागीन, लाब दे खुङक्‍याई स्‍येरीयाः, खुङक्‍याई दे लेगाक्‍या झ्‍यीये च्‍यीगा मेन्‍दा हीना देरे लेगा झ्‍यीगीन मी श्‍येम्‍माक्‍यालाः सेमस्‍युक पारालाक।

रोमापा 2:3

धा मी ख्‍यो़, देरे लेगा झ्‍यीगीनक्‍याला ख्‍यी़ क्‍यो़न चुक धेनी ख्‍यो़राङगोवाः हुरे लेगाराङ झ्‍यीना, को़न्‍क्षोकगी ठीम्‍चो़ने ख्‍यो़ थारटु साम्‍ये?

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 4:15

घीझ्‍येरी ॱनाना क्षो़ठीमगी थुक्‍ठो़ खेरती हुङालाक। धेनी क्षो़ठीम मेसारु, क्षो़ठीम ॱमीचीगीन लेगागोवाः मेयोङालाक।

रोमापा 5:6

होराङ थापक्‍योवा हो़ती घाङलाराङ मास्‍यीका धीक्‍चेनक्‍याई क्षीदु, को़न्‍क्षोकगी दामा जेजा धी़ तीक-तीकगोला ढोङा जेपालाक।

रोमापा 5:9

धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

कोलोसेपा 3:6

दो़न देक्‍याई झ्‍येरी, को़न्‍क्षोकगी थुक्‍ठो़ भाप्‍कीलाक।

२ थेसालोनीकेपा 2:10

धाङ थारपा ॱनाङगीन धेन्‍पाला खेमेलेन्‍गीन मेताला डुगीनक्‍याला, लेगा ङेन्‍पा ॱनाछोकगी गो कोरकीन ॱयो़क्‍यु झ्‍यीगीलाक।

२ थेसालोनीकेपा 2:6

धेनी खोरी धी़चो़ ताक-ताकगोला तो़न्‍येगी क्षीला, धान्‍दा घीन्‍गी काक्‍ती श्‍याक हो़तालाक होदे खेक्‍या स्‍येलालाक।