रोमापा 1:17 - ॱलोवा

¹⁷ धेनी को़न्‍क्षोकने झ्‍युङगीन ढाङतेन नी, ताम्‍शाङला ॱङो़न्‍पालाक। दे ढाङतेन नी, धेपागी गोने धेपागी था थुक्‍पे डुपालाक। दी कोरला सुङरापला देरे ढीक हो़तालाक, “मी ढाङपो नी, धेपागी गोने सो़न्‍पो ॱनेगीलाक।”

रोमापा 1:17 Iomraidhean Croise

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

रोमापा 10:3

खुङक्‍याई को़न्‍क्षोकने झ्‍युङगीन ढाङतेनगो ॱमास्‍येवा, खोराङक्‍या राङगी थापस्‍यीने को़न्‍क्षोकमुला ढाङपो झ्‍युङयेला चावालाक। धेनी खुङक्‍याई राङला को़न्‍क्षोकगी ढाङतेनगी होकला ॱमापुवालाक।

रोमापा 3:21

हीना धान्‍दा को़न्‍क्षोकगी होराङला क्षो़ठीम ॱमारुङवालाः, खोङगी डुङदु ढाङपो झ्‍युङयेगी लाम तो़न जे हो़तालाक। धेनी देगी पाङपो, मोशेगी क्षो़ठीम धाङ ॱङो़नस्‍येखेनक्‍याई झ्‍यीदालाक।

रोमापा 3:22

धेनी को़न्‍क्षोकगी डुङदु होराङ ढाङपो झ्‍युङये दे, येशु मास्‍यीका खाला होरी धेपागी थोक्‍ने झ्‍युङालाक। धेनी दे नी, धेपा झ्‍यीगीन घीरीला ॱयेवा मेजेदा ॱनाङालाक।

रोमापा 3:3

खुङक्‍याने रीङगागी को़न्‍क्षोकगी काला धेपा मीझ्‍यीनाः, घी हो़तालाक से? खुङक्‍याई धेपा मीझ्‍यीगीनगी झ्‍येरी, को़न्‍क्षोकगीयाः राङगी ॱलोते चामेदु जेगीले?

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

२ कोरीन्‍थुपा 3:9

घीझ्‍येरी ॱनाना छेपा कागीन क्षो़ठीमगो शीजेक्षे हो़ना, ढाङतेन जेगीन ताम्‍शाङगो ॱयोल्‍ले माङा शीजेक्षे हुङघो़।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 3:11

को़न्‍क्षोकगी डुङदु क्षो़ठीमगी थोक्‍ने, सुवा दाक्‍कीमालाक ॱनेरी सावो हो़तालाक घीझ्‍येरी ॱनाना, “ढाङतेन्‍पा नी धेपागी थोक्‍नेराङ सो़न्‍पो ॱनेगीलाक।”

फीलीप्‍पीपा 3:9

धेनी ङा खोङगी नाङ ॱने थुवास्‍योक। क्षो़ठीमला तेन्‍दी झ्‍युङगीन, ङी ङाराङगी ढाङतेन मेन्‍दा हीना धेपागी थोक्‍ने, को़न्‍क्षोकने थोप्‍कीन ढाङतेन दे, ङी मास्‍यीकाला धेपा झ्‍येरी थोप्‍पालाक।

ईब्‍रीपा 10:38

ङी ढाङतेनगी मीक्‍या धेपेगोने छोवा क्‍यागीलाक, धेनी ग्‍याप लोक्‍ती डोगीनक्‍यामुला ङा मेघा हो़क।”