रोमापा 1:16 - ॱलोवा

¹⁶ ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 1:16 Iomraidhean Croise

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 9:26

घीझ्‍येरी ॱनाना ङा धाङ ङी काला ङोजा झ्‍यीगीनगोला, मी-भु खोरी शीजे धाङ यापगी शीजे धाङ धाम्‍पे भाङछेनक्‍याई शीजेला फेई घाङला खी़या ङोजा झ्‍यीगीलाक।

योहान्‍ना 7:35

धेनी याहुदापा पो़न्‍पोक्‍याई खोराङक्‍या घुङदु देरे ॱनेवालाक, “मी दे होरी ॱङे ॱमीथुप्‍कीन साजा घारु डोये हीन्‍ढी़? गीरीकक्‍या खोक्‍दु थोरती धेता याहुदापाक्‍या घुङदु सोरी, खो गीरीकक्‍याला क्षो़ स्‍येये सामी हो़ता?

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

रोमापा 10:17

होझ्‍येरी धेपा नी घोरकीनने हुङालाक धेनी घी घोरकीनगो मास्‍यीकागी काने झ्‍युङालाक।

रोमापा 15:29

धेनी ङा खेक्‍याचारु हुङाराङ, मास्‍यीकागी झ्‍यीलापगी फी़न्‍सुम छोक्‍पा झ्‍युरी हुङगीलाक ॱनेरी, ङाला स्‍येयेहो़क।

रोमापा 2:9

ङेन्‍पा झ्‍यीगीन मी घीरीगी खाला, दुक्‍ङेल धाङ काङे भाप्‍कीलाक। धाङपोगो याहुदापाक्‍याला धेनी याहुदापा मेन्‍गीनक्‍याला।

रोमापा 4:11

आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

१ कोरीन्‍थुपा 15:2

धेनी ङी खेक्‍याला स्‍येस्‍या ताम्‍शाङगोला खेक्‍या तेन्‍पो ॱनेना, दी थोक्‍नेराङ खेक्‍या क्‍योप्‍कीलाक। देरे मेन्‍ना, खेक्‍याई क्षो मेताला धेपा झ्‍येवालाक।

१ कोरीन्‍थुपा 2:2

घीझ्‍येरी ॱनाना ङा खीकीमुला हो़ताराङ, येशु मास्‍यीका धाङ खोङगी ग्‍याङस्‍यीङगी लाब माना, श्‍येम्‍मा घीरी ढेन्‍बा ज्‍येयेला ङी थाक चेवी।

१ कोरीन्‍थुपा 2:4

खेक्‍याई धेपा मीगी स्‍येरापला मेन्‍दा हीना को़न्‍क्षोकगी नी़थुला तेन्‍येगी क्षीदु, ङी स्‍येगीन तामक्‍या धाङ क्षो़क्‍या, ताम खेवा धाङ स्‍येरापगी थोक्‍ने मेन्‍दा, धाम्‍पे थुक्‍ङी धाङ नी़थुगी गोने झ्‍युवालाक।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

१ कोरीन्‍थुपा 9:18

धा ॱहाना ङी ज्‍यागागो घी ले? ताम्‍शाङ स्‍येयेगी लेगाला ङारी आङजागी थोप्‍ताङ ॱमेचाला धेनी रीङ मेलेन्‍दा ताम्‍शाङ स्‍येये राक्‍ये दे, च्‍यीगा ङी ज्‍यागा लाक।

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 9:13

खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

गालातीयापा 1:7

ताम्‍शाङ श्‍येम्‍मा नी, हो़या मेतालाक हीना मी रीङगागी खेक्‍याला टुक्‍ती, मास्‍यीकागी ताम्‍शाङगोला ॱयो़ये झ्‍यीदीक।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

२ तीमोथेउ 1:16

चोवोगी ओनीसीफोरुगी नाङमीला थुक्‍जे शीयास्‍योक घीझ्‍येरी ॱनाना खी़ ङाला थेङ माङक्षे सेमस्‍युक पारजुङ धेनी ङा चो़न्‍पा हीन्‍गीनगोला ङोजा माझ्‍येजुङ।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

ईब्‍रीपा 4:12

घीझ्‍येरी ॱनाना को़न्‍क्षोकगी का नी, सो़न्‍पो धाङ नी़थुक्षे हो़तालाक। धेनी खा ॱङी हो़गीन राल्‍डीने ॱनोवा हो़तालाक। दी ॱलो धाङ सेम धेनी छीक धाङ काङ ॱङीला दुबु-दुबुला स्‍यालाक धेनी सेमगी साम्‍सुक्‍या धाङ दो़पाक्‍याला ताक्‍चो़ झ्‍यीदालाक।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।