रोमापा 1:14 - ॱलोवा

¹⁴ गीरीक केक स्‍येगीन याङना गीरीक केक ॱमेस्‍येगीन हीन्‍ना, धेनी खेवा याङना ॱलेन्‍दा हीन्‍ना, मी घीरीला ताम्‍शाङ स्‍येघोयेगी गेनगो ङी खुरहो़क।

रोमापा 1:14 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

लुका 10:21

होदे घाङला येशु धाम्‍पे थुक्‍ङीगी थोक्‍ने ङ्यामो घेरी सुवालाक, “नाम्‍खा धाङ जाम्‍बुलीङगी चोवो, ङी याप, खेराङला ङा तो़टा पुलाहीन। घीझ्‍येरी ॱनाना खेराङगी दे लाबक्‍या खेवाक्‍या धाङ रीक्‍पा च्‍याङाक्‍याने साङा जेदी, टुवाक्‍याला तो़न जेपालाक। लाक याप, देराङ खेराङगी थुकोङ शाङपोगो लाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 28:2

होदे ॱलीङठेनगी मीक्‍याई हेक्‍याला ॱमीच्‍यीकी घा झ्‍येजुङ। होदुरु क्षावा भाप्‍ती ॱनाम ढाङा झ्‍युरी, होदे मीक्‍याई मे तारी, हेक्‍याला सी़याङ झ्‍येजुङ।

जेपा 28:4

ॱलीङठेनगी मीक्‍याई पाउलुगी लाक्‍पाला डुल ठीरी, धेगीन थोरी च्‍यीकगी च्‍यीकला ॱनेवालाक, “दे मी नी मी सेगीन हीन्‍दाराक। ग्‍याछोने थारती होवा हीन्‍ना, लेगी को़दाङगी खोला धेदु च्‍युक्‍कीमालाक।”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:22

धेनी खुङक्‍या राङला खेवा हीन ॱनालाक हीना ॱयोल्‍ले ॱलेन्‍दा झ्‍युवालाक।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

रोमापा 13:8

च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

रोमापा 16:19

खेक्‍या खाला ङेन्‍पो हो़गीनगो, मी घीरीला स्‍येये हो़तालाक धेनी खेक्‍याई झ्‍येरी ङा घाटो झ्‍यीदाहीन। हीना खेक्‍या शाङा हीन्‍गीनगोला चाङजे झ्‍यीये धाङ ङेन्‍पा हीन्‍गीनगोला क्‍यो़न मेगीन झ्‍युङगीनगो ङा दो़दीहो़क।

रोमापा 8:12

धा होझ्‍येरी पी़नक्‍याओ, होरी धीक्‍पे राङश्‍यीला तेन्‍दी होराङ छोवा क्‍याये मालाक।

१ कोरीन्‍थुपा 14:11

मी श्‍येम्‍मागी लाब ताङगीनगो ङी ॱहामेघोना, होदे लाब ताङगीनगी क्षीदु ङा क्षीग्‍या च्‍योक्‍रे लाक धेनी लाब ताङगीनगो, ङी क्षीदु क्षीग्‍या च्‍योक्‍रे लाक।

१ कोरीन्‍थुपा 14:16

देरे मेन्‍ना, ख्‍यी़ सेम्‍ङीने को़न्‍क्षोकला तो़टा ताङाराङ, ॱहामेघोगीन फीदी मीगी ख्‍यी़ काटीन्‍क्षे श्‍यी़गीन ॱमो़लाम स्‍याम्‍ने, ख्‍यी़ श्‍यी़गीनगो घीया ॱहामेघोरकीन झ्‍येरी घाङगी झ्‍येरी “आमेन” ॱनाये?

१ कोरीन्‍थुपा 2:13

धेनी हेक्‍याई स्‍येगीन तामक्‍या नी, मीगी स्‍येरापगी ॱलाप्‍ला छीकक्‍याने मालाक हीना धाम्‍पे थुक्‍ङीगी ॱनाङगीन छीकक्‍याला तेन्‍दी, हेक्‍या थुक्‍ङीगी छीकक्‍याई गोने थुक्‍ङीगी धेन्‍पे दो़नक्‍या टोलालाक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

२ कोरीन्‍थुपा 10:12

राङगी तो़टा राङ ताङगीन मी रीङगाक्‍यामुला, हेक्‍या हेराङला छे च्‍यीकला श्‍याक्‍ये याङना राङला खुङक्‍यामुला दुरयेगी ॱलोगोक मीझ्‍यीहो़क। हीना खुङक्‍या खोराङक्‍या नाङदु च्‍यीकगी च्‍यीकला छे ग्‍याराङ याङना दुराराङ, खोराङक्‍या ॱलेन्‍दा झ्‍युङालाक।

२ कोरीन्‍थुपा 11:19

खेक्‍या नी ॱमीच्‍यीकी खेवा झ्‍युरी, ॱलेन्‍दाक्‍याला ङ्यामो घेरी शो़गोम झ्‍यीदीक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।