रोमापा 1:13 - ॱलोवा

¹³ पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 1:13 Iomraidhean Croise

योहान्‍ना 12:24

ङा खेक्‍याला धेन्‍पा धेनक्‍याङ ॱनाहीन, डोगी डुदोक सागी नाङला ल्‍हीम्‍दी ॱमीस्‍यीना, होदे च्‍यीका लेगीलाक। हीना होदे डुदोकगो स्‍यीना, होदेने ढेबु माङा केलालाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 4:36

धा श्‍यीङ ॱङागीनगोला ॱला थोप्‍ती, थामेपे छेसोकगी क्षीला तो़न्‍थोक धी़लालाक। धेनी साङा ताप्‍कीन धाङ श्‍यीङ ॱङागीन ॱङीगारा मुला ङ्यामो घालालाक।

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 15:12

होदे घाङला मी घीरी खाबा धेपालाक। पाउलु धाङ बारनाबागी याहुदापा मेन्‍गीन मीक्‍याई खोक्‍दु, को़न्‍क्षोकगी खुङक्‍याई थोक्‍ने जेजा ॱहाङसागीन ताकक्‍या धाङ लेगाक्‍याई कोरला स्‍येली घाङला, घीरीगी घामोमा श्‍यीप्‍ता झ्‍येरी ङेन्‍दी धेपालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 21:19

धेनी पाउलुगी खुङक्‍याला घासु श्‍युरी, खुङक्‍याला याहुदापा मेन्‍गीन मीरीकक्‍याई घुङदु ताम्‍शाङ स्‍येली घाङला, को़न्‍क्षोकगी जेजा लेगाक्‍याई कोरला घीरी स्‍येबालाक।

जेपा 28:14

होदुरु धेपा-झ्‍यीगीन पी़न रीङगा, हेला थुक्‍सुङ धेनी खुङक्‍याई हेला धी़न्‍डा च्‍यीक धेयेला भो़जुङ। धेनी हेक्‍या रोमला ॱलेप्‍सुङ।

रोमापा 1:12

दुक झ्‍येरी खेक्‍याने ङाला धेनी ङाने खेक्‍याला राङ-राङगी धेपागी थोक्‍ने, ॱहाला-छुला सेमस्‍युक थोप्‍कीलाक।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 7:1

पी़नक्‍याओ, ङा क्षो़ठीम स्‍येगीनक्‍यामुला लाब ताङाहीन। क्षो़ठीमगी मी च्‍यीकला सो़न्‍पो धेगीन थुक्‍पे, च्‍यीका वाङ झ्‍यीदालाक ॱनागीन, लाब दे खेक्‍याला स्‍येये मेते?

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

१ कोरीन्‍थुपा 10:1

पी़नक्‍याओ, खेक्‍याई दे लाबक्‍या स्‍येलाझ्‍यी ॱनेरी ङा दो़दीहो़क। होरी धाङबी फामाक्‍या रीतोङदु हो़ती घाङला, घीरी ॱरीङबा होकला ॱनेवालाक धेनी खुङक्‍या घीरी ग्‍याछो घुङने सोवालाक।

१ कोरीन्‍थुपा 12:1

धा पी़नक्‍याओ, धाम्‍पे थुक्‍ङीगी ॱनाङज्‍यीनक्‍याई कोरला खेक्‍याई स्‍येगीनगो ङा दो़दीहो़क।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

१ कोरीन्‍थुपा 9:2

मी श्‍येम्‍माक्‍याई क्षीदु ङा कुछाप च्‍यीक मेन्‍नाः, खीकी क्षीदु ङा हीन। घीझ्‍येरी ॱनाना चोवोगी नाङ, ङा कुछाप च्‍यीक हीन्‍गीनगी ताकगो खेक्‍या लाक।

२ कोरीन्‍थुपा 1:8

पी़नक्‍याओ, हीकी एशीयारु ङ्याङगीन दुक्‍पुगो खेक्‍याई स्‍येलाझ्‍यी ॱनेरी, हेक्‍या दो़दीहो़क। हेक्‍या शो़पा घोम ॱमीथुक्‍कीन ॱमीच्‍यीकी दुक्‍पुक्षेला छी़दी, हेक्‍या सो़न्‍पो धेटो ॱनेरी रेवाः माझ्‍युङ।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

गालातीयापा 3:15

पी़नक्‍याओ, श्‍याक्‍मो डाङी मीछेला तेरी पे च्‍यीक क्षा श्‍याक्‍ना, मीगी थेचे ग्‍याप्‍सागीन खाछेमला सी़या सुप ॱमीथुक्‍कीलाक धेनी होदेला ॱनो़न्‍गा ग्‍याप ॱमीथुक्‍कीलाक।

गालातीयापा 6:18

पी़नक्‍याओ, होरी चोवो येशु मास्‍यीकागी थुक्‍जे, खेक्‍याई सेमला श्‍युक्‍वास्‍योक। आमेन।

फीलीप्‍पीपा 1:22

धा ङा ली़ला सो़न्‍पो धेये हीन्‍ना, होदे ङी क्षीदु दोक्‍पो हो़गीन काल्‍ले झ्‍युङगीलाक। घीहीन्‍ना ङा घी दाम घोयेगो ङी ॱमेस्‍येहो़क।

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ थेसालोनीकेपा 2:18

हेक्‍या खेक्‍याचारु हुङयेला दो़पा झ्‍येवी धेनी ङा पाउलुगीया धाब्‍ले कुल्‍ले दो़पा झ्‍येवी हीना धी़कगी हेक्‍याला काक्‍जुङ।

१ थेसालोनीकेपा 4:13

हीना पी़न्‍दाक्‍याओ, रेवा मेगीन मी श्‍येम्‍माक्‍या च्‍योक्‍रे दुङा माझ्‍यीवास्‍योक ॱनेरी मास्‍यीकावा रे ढोङना, होदेगी कोरला खेक्‍याला धेन्‍पा झ्‍येरी स्‍येयेला हेक्‍याई दो़पा हो़क।

२ थेसालोनीकेपा 2:7

ठीमने डागीनगी साङवा वाङ दे, लेगाला गो चुक्‍सादुक। धेनी काक्‍ती श्‍याक्‍कीनगोला ॱमाताङगीन थुक्‍पे, धान्‍दा खी़ होदेला काक्‍तीराङ धेगीलाक।

२ तीमोथेउ 4:17

हीना ङी थोक्‍ने ताम्‍शाङ छाङबो स्‍येयेला धेनी याहुदापा मेन्‍गीन मीरीक घीरीगी ॱहाघोरयेगी क्षीला, चोवो ङीमुला श्‍युक्‍ती ङाला स्‍युक ॱनाङजुङ। धेनी छीवे खाने ङाला क्‍योप जेजुङ।