रोमापा 1:12 - ॱलोवा

¹² दुक झ्‍येरी खेक्‍याने ङाला धेनी ङाने खेक्‍याला राङ-राङगी धेपागी थोक्‍ने, ॱहाला-छुला सेमस्‍युक थोप्‍कीलाक।

रोमापा 1:12 Iomraidhean Croise

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

रोमापा 1:11

घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 15:24

ङा स्‍पेनला डोदी़ खेक्‍याला थुक्‍येगी रेवा श्‍याक्‍हो़क। धेनी ङा खीकीमुला धी़चो़ तीते च्‍यीक ङ्याम्‍ढेलगी घाटो लेन्‍सारती, खेक्‍याने ङी होदे डुला घो़गीन रोक्‍रामगो, थोप्‍येगी रेवा ङी श्‍याक्‍हो़क।

रोमापा 15:32

धेनी को़न्‍क्षोकगी थुकोङगी थोक्‍ने, ङा खेक्‍याचारु ङ्यामो घेरी हुङये झ्‍युङगीलाक धेनी होराङ च्‍यीकगी च्‍यीक क्षीदु सेमस्‍युक झ्‍युङगीलाक।

२ कोरीन्‍थुपा 7:13

होझ्‍येरी हेक्‍याला सेम्‍सो थोप्‍जुङ। धेनी हेक्‍याला हेरीराङगी सेम्‍सो च्‍यीगा मेन्‍दा, तीतोसगी घाटोला हेक्‍या ॱयोल्‍ले माङा ङ्यामो घेजुङ। घीझ्‍येरी ॱनाना खेक्‍या घीरीगी थोक्‍ने, खी़ सेमला श्‍यीदे थोप्‍दुक।

एफीसुपा 4:5

चोवो च्‍यीक धाङ धेपा च्‍यीक धाङ ठी़सो़ च्‍यीक,

२ तीमोथेउ 1:4

ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

२ योहान्‍ना 1:4

ख्‍यी़ टुवाक्‍याने रीङगा यापगी होराङला ॱनाङना का च्‍योक्‍रे, धेन्‍पे लामला ग्‍युक्‍कीनगो थोरी, ङा ॱमीच्‍यीकी ङ्यामो ग्‍येजुङ।

युदा 1:3

चेवे पी़नक्‍याओ, होराङ घीरीला थोप्‍था थारपागी कोरला, ङी खेक्‍याला ढीक्‍ये ॱमीच्‍यीकी थेहो़नाः, को़न्‍क्षोकगी राङगी धाम्‍पे मीक्‍याला लेन च्‍यीकदु ॱनाङना, धेपागो ॱरुङक्‍योप झ्‍यी ॱनेरी, श्‍योवा पुयेला, ङी खेक्‍याला दे यीक दे ढीक घो़जुङ।