रोमापा 1:11 - ॱलोवा

¹¹ घीझ्‍येरी ॱनाना खेक्‍याला स्‍युक्‍क्षेरु ताङयेला, ङा खेक्‍याला सेम्‍ङीगी झ्‍यीलाप रे तेरये रास्‍योक ॱनेरी, ङा खेक्‍याला थोङङी दो़दी।

रोमापा 1:11 Iomraidhean Croise

जेपा 16:5

देरे झ्‍येरी क्षो़छोकगी मीक्‍याई धेपा स्‍युक्‍क्षेरु सोवालाक धेनी ङीमा तेनग्‍याङ धेपा-झ्‍यीगीन मीक्‍या माङदु सोवालाक।

जेपा 19:21

होदे स्‍याम्‍ने पाउलुगी माकेडोनीया धाङ आकाईया ग्‍याजाने झ्‍युरी, येरुसालेमला डोये ढो़ झ्‍येवालाक। खी़ ॱनेवालाक, “येरुसालेमला सोरी ङा रोम ग्‍याजारुवा डोघोगुलाक।”

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

रोमापा 1:12

दुक झ्‍येरी खेक्‍याने ङाला धेनी ङाने खेक्‍याला राङ-राङगी धेपागी थोक्‍ने, ॱहाला-छुला सेमस्‍युक थोप्‍कीलाक।

रोमापा 15:23

हीना धा दे युछोकक्‍याला ङी क्षीदु लेगा झ्‍यीजा साजा ल्‍हाक्‍मा मीदुक धेनी ङा लो माङपोने, खेक्‍याचारु हुङयेगी दो़पा क्षे झ्‍येरी,

रोमापा 15:29

धेनी ङा खेक्‍याचारु हुङाराङ, मास्‍यीकागी झ्‍यीलापगी फी़न्‍सुम छोक्‍पा झ्‍युरी हुङगीलाक ॱनेरी, ङाला स्‍येयेहो़क।

रोमापा 15:32

धेनी को़न्‍क्षोकगी थुकोङगी थोक्‍ने, ङा खेक्‍याचारु ङ्यामो घेरी हुङये झ्‍युङगीलाक धेनी होराङ च्‍यीकगी च्‍यीक क्षीदु सेमस्‍युक झ्‍युङगीलाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

२ कोरीन्‍थुपा 1:15

दे लाब दे ङाला तेन्‍देन स्‍येये झ्‍येरी, खेक्‍याला धाब्‍ले झ्‍यीलाप थोप्‍पास्‍योक ॱनेरी, ङा एन्‍ला खीकीचारु हुङयेगी दो़पा झ्‍येवी।

२ कोरीन्‍थुपा 1:21

धा हेक्‍याला खीकीमुला मास्‍यीका येशुगी नाङ तेन्‍पो जेगीन धाङ हेक्‍याला दामा जेगीनगो को़न्‍क्षोक लाक।

२ कोरीन्‍थुपा 11:4

घीझ्‍येरी ॱनाना मी रीङगा होरी हीकी सेटाक झ्‍येजा, येशु मेन्‍दा श्‍येम्‍मा च्‍यीक सेटाक झ्‍यीना याङना खेक्‍याई थोप्‍था थुक्‍ङी मेन्‍दा, सेम्‍ङी श्‍येम्‍मा खेक्‍याई खेलेन्‍ना याङना खेक्‍याला थोप्‍था ताम्‍शाङने श्‍येम्‍मा ताम्‍शाङ खेक्‍याई खेलेन्‍ना, खेक्‍या दे घीरीगी होकला लेल्‍हामोमा छी़दालाक।

२ कोरीन्‍थुपा 9:14

धेनी को़न्‍क्षोकगी छे मेगीन थुक्‍जे, खेक्‍या खाला ॱनाङना झ्‍येरी खुङक्‍या खेक्‍याला ॱमीच्‍यीकी ढेन्‍दी, खीकी क्षीदु ॱमो़लाम श्‍यी़गीलाक।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

फीलीप्‍पीपा 2:26

घीझ्‍येरी ॱनाना खो खेक्‍या घीरीला ॱमीच्‍यीकी ढेन्‍दालाक धेनी खोराङ नागीनगी कोरला खेक्‍याई घोरती, खो सेम्‍डा झ्‍यीदालाक।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

१ थेसालोनीकेपा 3:13

होरेझ्‍येरी चोवो येशु खोङबागी धाम्‍पे मीक्‍यामुला फेई घाङला, होरी याप को़न्‍क्षोकगी डुङदु, खेक्‍याई सेम तेन्‍पो धाङ धाम्‍पा धाङ क्‍यो़न मेगीन जेदास्‍योक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

२ थेसालोनीकेपा 3:3

हीना चोवो नी, ॱलो का थुप्‍कीनगी चोवो लाक। खोङबागी खेक्‍याला तेन्‍पो जेगीलाक धेनी ङेन्‍पाने ॱरुङा जेगीलाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

२ पेटो 1:12

होझ्‍येरी खेक्‍याई दो़न देक्‍या ॱहाघोरका धाङ खेक्‍याला हो़गीन धेन्‍पाला तेन्‍पो हो़नाः, ङा खेक्‍याला च्‍योई देक्‍या ढेन्‍सो़ ॱलाङयेहीन।