रोमापा 1:1 - ॱलोवा

¹ येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 1:1 Iomraidhean Croise

मारकु 1:14

योहान्‍ना चो़न्‍खाङदु धाक सारती स्‍याम्‍ला, येशु गालीलदु को़न्‍क्षोकगी ताम्‍शाङ सुङी-सुङी फेप्‍पालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 15:15

धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

जेपा 13:9

साउल (खोला पाउलु ॱनालाक) धाम्‍पे थुक्‍ङीगी खारी, एलुमासला तेरी धेदी ॱनेवालाक,

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:40

धेनी ॱमाक्‍पो़नगी खोला लाब ताङदु च्‍युक्‍पालाक धेनी पाउलु थेपा खाला जाक्‍ती, मीक्‍याला तीङचोई धो़क ॱनेरी, लाक्‍ते झ्‍येवालाक। धेनी मीक्‍या खाबा धेदी पाउलुगी ईब्‍रीपा केकला ॱनेवालाक,

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 22:7

धेनी ङा साला गेजुङ। धेनी केक देरे च्‍यीक घोरजुङ, ‘साउल, साउल, ख्‍यो़ घीझ्‍येरी ङाला दुक्‍पु ताङाले?’

जेपा 26:1

होदे स्‍याम्‍ने आगारीपागी पाउलुला ॱनेवालाक, “धा ख्‍यो़ ख्‍यो़री क्षीला लाब तोङ।” धेनी पाउलु खोरी लाक्‍पा क्‍याङदी देरे झ्‍येरी ॱनेवालाक,

जेपा 26:14

धेनी हेक्‍या घीरी साला गेजुङ। होदे घाङलाराङ ङी ईब्‍रीपा केकला देरे ॱनागीन च्‍यीक घोरजुङ, ‘साउल, साउल, ख्‍यो़ ङाला घीझ्‍येरी दुक्‍पु ताङाले? ङी दो़पागी ग्‍याप्‍केल झ्‍येरी, ख्‍यो़ला छो मेतालाक।’

जेपा 27:23

ङा सुने हीन्‍गीन धाङ ङी क्षाक्‍क्षो़पा पुगीन, को़न्‍क्षोकगी भाङछेन च्‍यीक धाङ छेन्‍मो ङी डामदु श्‍युक्‍ती,

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 11:13

धा ङा खे याहुदापा मेन्‍गीनक्‍याला देक्‍या ॱनाहीन। याहुदापा मेन्‍गीनक्‍याई क्षीदु ङा कुछाप च्‍यीक झ्‍येरी, ङा ङारी श्‍याप्‍चीला थोङक्षे चीलीहो़क।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

रोमापा 15:29

धेनी ङा खेक्‍याचारु हुङाराङ, मास्‍यीकागी झ्‍यीलापगी फी़न्‍सुम छोक्‍पा झ्‍युरी हुङगीलाक ॱनेरी, ङाला स्‍येयेहो़क।

रोमापा 16:18

घीझ्‍येरी ॱनाना देरे मीक्‍याई होरी चोवो मास्‍यीकागी क्षीदु श्‍याप्‍ची पुला मेन्‍दा, हीना राङगी फोवा क्षीदु झ्‍यीदालाक। धेनी देरेक्‍याई खा जेवा धाङ पेले स्‍येदी, मी क्‍युमाक्‍याई सेमक्‍या ॱली़लालाक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप झ्‍युङयेला भो़पा, ङा पाउलु धाङ होरी पी़न सोस्‍थेनेसने,

१ कोरीन्‍थुपा 9:1

ङाला राङवाङ मेताले? ङा कुछाप च्‍यीक माले? ङी होरी चोवो येशुला ज्‍या माङ्युवाले? चोवोगी नाङ ङी लेगागी ढेबुगो, खेक्‍या माले?

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 11:5

ङी साम्‍लोला ङा “चाक्षे कुछापक्‍या” ने घीन्‍गी थोक्‍नेया ॱमास्‍योक मेक।

२ कोरीन्‍थुपा 11:7

ङी राङला ॱमावा शो़री खेक्‍याला याला क्‍याक्‍येला, को़न्‍क्षोकगी ताम्‍शाङ रीङ मेलेन्‍दा स्‍येदी, ङी धीक्‍पा झ्‍येवालाक से?

२ कोरीन्‍थुपा 12:11

ङा कुक्‍पा झ्‍युहो़क। देरे झ्‍यीयेला खीकी ङाला उजुक झ्‍यीदु च्‍युक्‍जुङ। खेक्‍याने ङाला तो़टा थोप घोयेहो़क घीझ्‍येरी ॱनाना ङा घी च्‍यीया मेन्‍नाः, खाक्‍क्षे कुछापक्‍याने ङा ॱमावा मेन।

२ कोरीन्‍थुपा 2:12

धा मास्‍यीकागी ताम्‍शाङ स्‍येयेला, ङा टोरोआसरु ॱलेवाराङ, चोवोगी ङी क्षीदु घुकाप च्‍यीक ॱनाङा जेसोङ,

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 2:11

धेनी याप को़न्‍क्षोकला शीजे हुङयेगी क्षीदु, येशु मास्‍यीकाराङ चोवो हीन ॱनेरी, च्‍येमो हो़लेगी खेलेन झ्‍यीगीलाक।

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

कोलोसेपा 1:25

खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

१ थेसालोनीकेपा 2:8

हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।

१ थेसालोनीकेपा 2:9

पी़न्‍दाक्‍याओ, खेक्‍याला को़न्‍क्षोकगी ताम्‍शाङ स्‍येदी घाङला, सुलाः घाक्‍वा माझ्‍युवास्‍योक ॱनेरी, हीकी ङीन-छेन लेगा झ्‍येवी धेनी हीकी काल्‍ले धाङ दुक्‍पु खेक्‍याला स्‍येये हो़तालाक।

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

ईब्‍रीपा 5:4

मी सी़याः चो क्षो़पो़नगी घोक्‍जा दे, राङगी थेदी मेलेन्‍दालाक हीना आरोनला भो़पा च्‍योक्‍रे, खोला को़न्‍क्षोकगी भो़ जेदालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

१ पेटो 4:17

घीझ्‍येरी ॱनाना को़न्‍क्षोकगी नाङमीनेराङ गो चुक्‍ती, ठीम चेयेगी धी़ भाप्‍दुक धेनी दे होराङक्‍याने गो चुक्‍ना, को़न्‍क्षोकगी ताम्‍शाङ ॱमीचीगीनक्‍याई ढेबुगो घी झ्‍युङी हो़टु?

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”

ॱङो़न्‍पा 22:9

हीना खोङबागी ङाला दे सुजुङ, “देरे माझ्‍यी। ङा नी, ख्‍यो़ धाङ ख्‍यी़ पी़न ॱङो़नस्‍येखेनक्‍या धाङ दे धेपगी काक्‍या ॱरुङगीनक्‍यामुला, श्‍याप्‍चीपा च्‍यीक्‍पा लाक। को़न्‍क्षोकला च्‍यीगा क्षाक्‍क्षो़पा पु।”