ॱङो़न्‍पा 9:4 - ॱलोवा

⁴ होदेक्‍याला साश्‍यीला हो़गीन, चा धाङ चीस्‍यीङ ॱनाछोक धाङ स्‍यीङदोङ घीला ॱनो़ ॱमाक्‍या हीना टाल्‍लेला को़न्‍क्षोकगी थेचे मेगीन मीक्‍याला च्‍यीगा, ॱनो़ क्‍यो़ सुरी सुवालाक।

ॱङो़न्‍पा 9:4 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

ॱङो़न्‍पा 14:1

धा ङी तेवी। धेनी लुक्‍टुगो सीयोनगी रीला श्‍याङदी श्‍युक्‍कीन धाङ खोङमुला मी बुम च्‍यीक धाङ तोङ श्‍यीपच्‍यु श्‍येवीगो थोजुङ। खुङक्‍याई टाल्‍लेला खोङबागी छेन धाङ खोङबागी यापगी छेन ढीक्‍दुक।

ॱङो़न्‍पा 6:6

धेनी होदे सेम्‍चेन श्‍यीगी खोक्‍ने, थो़न्‍गीन च्‍योक्‍रे केक च्‍यीक देरे ॱनागीनगो ङी घोरजुङ, “ङीमा च्‍यीकगी ॱलाज्‍या डो कीलो च्‍यीक धाङ ङीमा च्‍यीकगी ॱलाज्‍या ने, कीलो सुम लाक। धेनी ॱनुम धाङ घुन्‍क्षाङला क्‍यो़न ॱमाताङ।”

ॱङो़न्‍पा 7:1

होदे स्‍याम्‍ने, साश्‍यी याङना ग्‍याछो याङना दोङबो च्‍यीया खाला ॱलुङबु मीग्‍युक्‍वास्‍योक ॱनेरी, नाम्‍खे भाङछेन श्‍यी, साश्‍यीगी छोक श्‍यीगारागी ॱलुङबुला काक्‍ती, साश्‍यीगी छोक श्‍यीला श्‍यारी श्‍युक्‍कीनगो, ङी थोजुङ।

ॱङो़न्‍पा 8:7

नाम्‍खे भाङछेन धाङपोगी़ राङगी दुङक्षेनगो भी़वालाक धेनी होदुरु ठाक ॱरेरा सेरा धाङ मे साश्‍यीगी खाला भाप्‍पालाक। धेनी साश्‍यीगी दुबु सुमने च्‍यीक धाङ स्‍यीङदोङक्‍याई, दुबु सुमने च्‍यीक धाङ चा ॱङोम्‍पो घीरी मेगी छीक्‍पालाक।