ॱङो़न्‍पा 9:21 - ॱलोवा

²¹ धेनी श्‍येम्‍मागी ॱरोक चेचा धाङ ॱङाक ग्‍यापक्‍या धाङ लोक्‍येम धाङ कुमा कुका लेगाक्‍याला, खुङक्‍याई पारी सेम ग्‍युरवा ॱमातावालाक।

ॱङो़न्‍पा 9:21 Iomraidhean Croise

मेथा 15:19

घीझ्‍येरी ॱनाना सेम नाङने साम्‍लो ङेन्‍पाक्‍या धाङ मी सेये धाङ लोक्‍येम धाङ दो़लोक धाङ कुमा कुये धाङ पाङपो शोक्‍पो तेरये धाङ ॱमेबेप झ्‍यीयेक्‍या थो़न्‍दालाक।

२ कोरीन्‍थुपा 12:21

ङा याङ हुङी घाङला, खीकी घुङदु ङी को़न्‍क्षोकगी ङाला ॱमावा जेटु ॱनेरी, ङा जीक्‍ई। धेनी मी माङागी एम्‍मा झ्‍येजा धीक्‍पाक्‍या धाङ खुङक्‍याई झ्‍येजा ॱमेचाङा धाङ लोक्‍येम धाङ दो़छाकने ग्‍यो़पा मीझ्‍यीदा मीग्‍युरकीनगोला, ङा सेम क्‍यो घो़टु।

गालातीयापा 5:20

कुन्‍डाला क्षो़गीन धाङ ङेन ॱङाक धाङ दाङसेम धाङ धुगा धाङ ठादोक धाङ श्‍येताङ धाङ राङदो़ धाङ छोक झ्‍यीगीन धाङ खा डागीन धाङ

ॱङो़न्‍पा 13:13

धेनी मीक्‍याई थोङसारु ॱनामने, साला मे पाप्‍कीन च्‍योक्‍रे, ॱहाङसागीन ताक क्षेक्‍या होदेगी तो़न्‍बालाक।

ॱङो़न्‍पा 13:15

धेनी होदे कुगो लाब ताङ थुक्‍कीन झ्‍युङये धाङ होदेला क्षाक्‍क्षो़पा ॱमीपुगीन घीरी सेदु च्‍युक्‍येगी क्षीला, होदे सेम्‍चेन धाङपोगी कुला उप तेरयेगी नी़थु, होदे सेम्‍चेन ॱङीवागोला तेर हो़तालाक।

ॱङो़न्‍पा 13:7

धेनी होदेला धाम्‍पे मीक्‍यामुला टाप्‍ये धाङ खुङक्‍या खाला ग्‍यायेगी नी़थु तेरपालाक। धेनी ग्‍युपा घीरी धाङ मी घीरी धाङ केरीक घीरी धाङ मीरीक घीरीगी खाला खोला आङजा तेरपालाक।

ॱङो़न्‍पा 14:8

धेनी नाम्‍खे भाङछेन ॱङीवागो, होदेगी स्‍याम-स्‍याम्‍ला डारी देरे सुवालाक, “ग्‍याजा क्षे बाबीलोनगो धीप्‍जो! धीप्‍जो! दे ग्‍याजागी मीरीक घीरीला, राङगी लोक्‍येमगी घुन्‍क्षाङ घारागो थुङदु च्‍युक्‍पालाक।”

ॱङो़न्‍पा 16:6

खुङक्‍याई खेराङगी धाम्‍पे मीक्‍या धाङ ॱङो़नस्‍येखेनक्‍याला सेसा झ्‍येरी, खेराङगी खुङक्‍याला ठाक थुङदु च्‍युक्‍पालाक। दे नी खुङक्‍याला झ्‍युङ घोयेराङ लाक।”

ॱङो़न्‍पा 17:2

होदेमुला साश्‍यीगी ग्‍यावुक्‍याई, लोक्‍येम झ्‍येदुक धेनी मी़ लोक्‍येमगी घुन्‍क्षाङ थुरी, साश्‍यीगी मी घीरी शीरी धेदुक।”

ॱङो़न्‍पा 17:4

होदे भोमोगी़ घो़ ग्‍यामुक धाङ ॱमाउ घो़न हो़तालाक धेनी सेर धाङ धो रीन्‍पोक्षे धाङ मुतीकक्‍याई गेन्‍छाक्‍याई तुम हो़तालाक। मी़ लाक्‍पाला आम्‍लोवा धाङ राङगी लोक्‍येमगी ॱमेचाङा दो़नक्‍याई खाङखा, सेरगी फोरा च्‍यीक शीम्‍दी धे हो़तालाक।

ॱङो़न्‍पा 17:5

धेनी मी़ टाल्‍ले खाला देरे साङवागी दो़न्‍दाक हो़गीन, देरे मीङ ढीक हो़तालाक, “ग्‍याजा क्षे बाबीलोन, साश्‍यीगी श्‍याङचोङमाक्‍या, धाङ आम्‍लोवा दो़नक्‍याई आमा।”

ॱङो़न्‍पा 18:3

घीझ्‍येरी ॱनाना मीरीक घीरीगी, मी़ दो़छाकगी घुन्‍क्षाङ घारागो थुदुक, धेनी साश्‍यीगी ग्‍यावुक्‍याई मी़मुला लोक्‍येम झ्‍येदुक, धेनी साश्‍यीगी छोङबाक्‍या मी़ दो़यो़नगी झ्‍येरी क्षुक्‍पु झ्‍युदुक।”

ॱङो़न्‍पा 19:2

घीझ्‍येरी ॱनाना खोङबागी ठीम्‍चो़ धेन्‍पा धाङ ढाङपो दुक। धेनी साश्‍यी हो़लेला राङगी दो़क्षाकगी ले ङेन्‍पा झ्‍यीरु च्‍युक्‍कीन, होदे केटाक्‍क्षे श्‍याङचोङमागोला, खोङबागी ठीम्‍चो़ जेदुक। धेनी खोङबागी श्‍याप्‍चीक्‍याई ठाकगी छापगो मोला लेन जेदुक।”

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।