ॱङो़न्‍पा 9:20 - ॱलोवा

²⁰ दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।

ॱङो़न्‍पा 9:20 Iomraidhean Croise

मेथा 21:32

घीझ्‍येरी ॱनाना ठी़सो़खेन योहान्‍ना, खेक्‍याला ढाङतेनगी लाम तो़न्‍दु होवालाक धेनी खेक्‍याई खोला धेपा माझ्‍येवालाक। हीना ठा धुगीनक्‍या धाङ श्‍याङचोङमाक्‍याई, खोला धेपा झ्‍येवालाक। धेनी खेक्‍याई दे थोरीयाः, खेक्‍याई सेम ग्‍युरती खोला धेपा माझ्‍येवालाक।”

जेपा 17:29

होझ्‍येरी होराङ को़न्‍क्षोकगी दुङग्‍यु झ्‍येरी, को़न्‍क्षोकला मीक्‍याई रीक्‍पा धाङ लागागी धोगोङ धाङ सेर धाङ ॱङुने शो़सा कु ॱनेरी साम्‍ये मेतालाक।

जेपा 19:26

हीना दे पाउलुगी घी ॱनागीनगो, खेक्‍याई थोङालाक धेनी घोर हो़तालाक। मीगी शो़सा ल्‍हागो ल्‍हाराङ मालाक ॱनेरी ॱनी। खी़ दुरु एफीसु धाङ एशीयारु धेगीन मी माङक्षेला, खोरी लाब ॱलाप्‍ती गोवा कोरसादुक।

जेपा 7:41

धेनी खुङक्‍याई भीगी कु च्‍यीक शो़री, धेनी क्षो़पा पुरी खोराङक्‍याई लाक्‍पागी शो़सा लेगागोला ङ्यामो घेबालाक।

२ कोरीन्‍थुपा 12:21

ङा याङ हुङी घाङला, खीकी घुङदु ङी को़न्‍क्षोकगी ङाला ॱमावा जेटु ॱनेरी, ङा जीक्‍ई। धेनी मी माङागी एम्‍मा झ्‍येजा धीक्‍पाक्‍या धाङ खुङक्‍याई झ्‍येजा ॱमेचाङा धाङ लोक्‍येम धाङ दो़छाकने ग्‍यो़पा मीझ्‍यीदा मीग्‍युरकीनगोला, ङा सेम क्‍यो घो़टु।

१ तीमोथेउ 4:1

स्‍यामगी धी़ला मी रीङगा ॱली़गीन सेम्‍ङीक्‍या धाङ डेगी क्षो़ला तेन्‍दी, राङगी धेपा पाङगीलाक सुरी, धाम्‍पे थुक्‍ङीगी सायेरे सुङ हो़तालाक।

ॱङो़न्‍पा 15:1

धेनी ङी नाम्‍खे श्‍यीङखामदु, श्‍येम्‍मा ताक क्षे धाङ ॱहाङसागीन च्‍यीक थोजुङ। नाम्‍खे भाङछेन धी़नक्‍याई, थामे दुक्‍पु धी़न खेर हो़तालाक घीझ्‍येरी ॱनाना को़न्‍क्षोकगी थुक्‍ठो़ नी, होदे दुक्‍पुला डुप हो़तालाक।

ॱङो़न्‍पा 16:8

धेनी नाम्‍खे भाङछेन श्‍यीवागी़ राङगी फोरागो, ङीमा खाला पो़वालाक। धेनी मीक्‍याला मेगी ॱराक्‍येगी, आङजा ङीमाला तेरपालाक।

ॱङो़न्‍पा 9:19

होदे ताक्‍याई नी़थुगो, खुङक्‍याई खा धाङ ॱङामाला हो़तालाक घीझ्‍येरी ॱनाना होदेक्‍याई ॱङामागो गोवा हो़गीन, डु च्‍योक्‍रे हो़तालाक। धेनी होदेगी मीक्‍याला ॱनो़ क्‍यालालाक।

ॱङो़न्‍पा 9:21

धेनी श्‍येम्‍मागी ॱरोक चेचा धाङ ॱङाक ग्‍यापक्‍या धाङ लोक्‍येम धाङ कुमा कुका लेगाक्‍याला, खुङक्‍याई पारी सेम ग्‍युरवा ॱमातावालाक।