ॱङो़न्‍पा 9:2 - ॱलोवा

² धेनी होदे कारमागी़ होदे थी मेगीन दोङ-दोङगो खा पेली घाङला, होदेने थाप क्षेने थो़न्‍गीन धीबा च्‍योक्‍रे थो़न्‍बालाक। धेनी होदेने थो़न्‍दा, धीबागी ङीमा धाङ ॱनाम ॱङीगाराला मी़नाक्‍पा शो़वालाक।

ॱङो़न्‍पा 9:2 Iomraidhean Croise

जेपा 2:19

ॱनामदु ङा ॱहाङसागीन लेगाक्‍या तो़न्‍येहीन, धेनी होकगी जाम्‍बुलीङदु ताकक्‍या तो़न्‍येहीन, होदुरु ठाक धाङ मे धाङ धीबागी ॱरीङबा थोङगीलाक।

ॱङो़न्‍पा 14:11

धेनी खुङक्‍याई दुक्‍पु ङ्याङगीनगी धी़बागो, धी़ तेनगी क्षीदु याला डुगीलाक। धेनी होदे सेम्‍चेन धाङ होदेगी कुला क्षाक्‍क्षो़पा पुगीन धाङ होदेगी मीङगी ताकगो थोप्‍थाक्‍याला, ङीन-छेन ङासुये राक्‍कुमालाक।”

ॱङो़न्‍पा 16:10

धेनी नाम्‍खे भाङछेन ॱङावागी़ राङगी फोरागो, होदे सेम्‍चेनगी श्‍युक्‍ठी खाला पो़वालाक। धेनी होदेगी ग्‍यासीगो मी़नाक्‍पा झ्‍युवालाक। धेनी मीक्‍या दुक्‍पु क्षेगी झ्‍येरी, राङगी च्‍येमोला सो ग्‍याप्‍पालाक।

ॱङो़न्‍पा 8:12

नाम्‍खे भाङछेन श्‍यीवागी़ राङगी दुङक्षेनगो भी़वालाक धेनी ङीमागी दुबु सुमने च्‍यीक धाङ दावागी दुबु सुमने च्‍यीक धाङ कारमाक्‍याई दुबु सुमने, च्‍यीक खाला फोक्‍पालाक। धेनी होदेक्‍याई हो़गी, दुबु सुमने च्‍यीक मी़नाक्‍पा झ्‍युवालाक। होझ्‍येरी ङीङमो दुबु सुमने च्‍यीक, हो़ मेगीन झ्‍युवालाक। देरेराङ झ्‍येरी छेमोगी दुबु सुमने च्‍यीकगोवा, हो़ मेगीन झ्‍युवालाक।

ॱङो़न्‍पा 9:1

धेनी नाम्‍खे भाङछेन ॱङावागी़, राङगी दुङक्षेनगो भी़वालाक धेनी ङी नाम्‍खाने साला ल्‍हीम्‍ला, कारमा च्‍यीक थोजुङ। होदेला थी मेगीन, दोङ-दोङगी धीमीकगो ॱनावालाक।

ॱङो़न्‍पा 9:11

धेनी होदेक्‍याई ग्‍यावुगो, थी मेगीन दोङ-दोङगी भाङछेन दुक। ईब्‍रीपा केकला होदे भाङछेनगी मीङ आबेदो़न धेनी गीरीक केकला आपो़ल्‍यो़न लाक। होदे ॱनाना तोरस्‍यीक ताङगीन लाक।

ॱङो़न्‍पा 9:17

ङी थोङनाङला थोथा ताक्‍या धाङ तावाक्‍या देरे दुक; खुङक्‍याई ढाङठापगो मे च्‍योक्‍रे ॱमाउ धाङ ठाधो च्‍योक्‍रे ॱङोम्‍पो धाङ मुशे च्‍योक्‍रे सेउ दुक। होदे ताक्‍याई गोगो, सीङगेगी गो च्‍योक्‍रे दुक। धेनी होदे ताक्‍याई खाने मे धाङ धीबा धाङ मुशे थो़न्‍दी हो़तालाक।