ॱङो़न्‍पा 8:7 - ॱलोवा

⁷ नाम्‍खे भाङछेन धाङपोगी़ राङगी दुङक्षेनगो भी़वालाक धेनी होदुरु ठाक ॱरेरा सेरा धाङ मे साश्‍यीगी खाला भाप्‍पालाक। धेनी साश्‍यीगी दुबु सुमने च्‍यीक धाङ स्‍यीङदोङक्‍याई, दुबु सुमने च्‍यीक धाङ चा ॱङोम्‍पो घीरी मेगी छीक्‍पालाक।

ॱङो़न्‍पा 8:7 Iomraidhean Croise

याकोब 1:11

घीझ्‍येरी ॱनाना ङीमा छा स्‍यारती चाक्‍या कामालाक धेनी मेन्‍तोक साला भाप्‍ती, होदेगी जेवा घीरी येलालाक। होझ्‍येरीराङ क्षुक्‍पुक्‍या राङगी लेगी दो़न्‍दाकगी खोकला, मेताला डुगीलाक।

१ पेटो 1:24

घीझ्‍येरी ॱनाना, “स्‍याठाक घीरी चा धाङ डा, शीजे घीरी चागी मेन्‍तोक डा। चा नी काम्‍ने मेन्‍तोक ये।

ॱङो़न्‍पा 12:4

धेनी होदेगी ॱङामागी़ ॱनामने कारमा दुबु सुमने च्‍यीक रुक्‍ती, साश्‍यीदु ॱयुक्‍पालाक। धेनी टु केलुङ मेताला होदे टुगोला मीक्‍येगी साम्‍लो तारी, होदे डुकगो होदे टु केये झ्‍यीगीन भोमोगी़ दोङदु लारी धे हो़तालाक।

ॱङो़न्‍पा 16:2

धेनी नाम्‍खे भाङछेन धाङपोगो सोरी, राङगी फोरागो साश्‍यी खाला पो़वालाक। धेनी सेम्‍चेनगी ताक हो़गीन धाङ होदेगी कुला क्षाक्‍क्षो़पा पुगीन, मी घीरीला जीक्‍टाक्षे धाङ शुकक्षे ग्‍याप्‍कीन ॱमा थो़न्‍बालाक।

ॱङो़न्‍पा 16:21

धेनी ॱनामने माला कीलो श्‍यीपच्‍यु-श्‍यीपच्‍यु चो़ हो़गीन, सेरा क्षेक्‍या मीक्‍याई खाला भाप्‍पालाक। धेनी सेरा ग्‍याप्‍कीन दुक्‍पुगी झ्‍येरी, मीक्‍याई को़न्‍क्षोकला कुरवा धेप्‍पालाक घीझ्‍येरी ॱनाना दुक्‍पु दे ॱमीच्‍यीकी जीक्‍टाक्षे हो़तालाक।

ॱङो़न्‍पा 6:8

ङी तेवी धेनी होदुरु ता सेउ च्‍यीक थोजुङ। होदे खाला श्‍यो़न्‍गीनगी मीङगो “छीवा” दुक धेनी स्‍यीम्‍पोक्‍या धेसागो, होदेगी स्‍याम-स्‍याम्‍ला डावालाक। धेनी खुङक्‍याला राल्‍डी धाङ मुगे धाङ घो़ने धाङ जीक्‍तेनगी चेनशेनगी गोने, सेदु च्‍युक्‍येला जीक्‍तेनगी दुबु श्‍यीने च्‍यीकगी खाला आङ तेर हो़तालाक।

ॱङो़न्‍पा 7:1

होदे स्‍याम्‍ने, साश्‍यी याङना ग्‍याछो याङना दोङबो च्‍यीया खाला ॱलुङबु मीग्‍युक्‍वास्‍योक ॱनेरी, नाम्‍खे भाङछेन श्‍यी, साश्‍यीगी छोक श्‍यीगारागी ॱलुङबुला काक्‍ती, साश्‍यीगी छोक श्‍यीला श्‍यारी श्‍युक्‍कीनगो, ङी थोजुङ।

ॱङो़न्‍पा 9:15

धा मीरीकगी दुबु सुमने दुबु च्‍यीकला सेयेला, होदे धी़चो़ धाङ होदे ङीमा धाङ होदे दावा धाङ होदे लोगी क्षीदु, डाढीक झ्‍येजा होदे नाम्‍खे भाङछेन श्‍यीला टोवालाक।

ॱङो़न्‍पा 9:18

धेनी खुङक्‍याई खाने थो़न्‍दा, मे धाङ धीबा धाङ मुशेगी नेक्‍यो़न सुमगी थोक्‍ने, मीरीकगी दुबु सुमने च्‍यीकला सेपालाक।

ॱङो़न्‍पा 9:4

होदेक्‍याला साश्‍यीला हो़गीन, चा धाङ चीस्‍यीङ ॱनाछोक धाङ स्‍यीङदोङ घीला ॱनो़ ॱमाक्‍या हीना टाल्‍लेला को़न्‍क्षोकगी थेचे मेगीन मीक्‍याला च्‍यीगा, ॱनो़ क्‍यो़ सुरी सुवालाक।