ॱङो़न्‍पा 8:13 - ॱलोवा

¹³ धेनी ङी तेवी धेनी ॱनामला फुरती ग्‍युक्‍कीन, ॱलाक च्‍यीक केक क्षेला, देरे ॱनागीनगो ङी घोरजुङ, “धा नाम्‍खे भाङछेन श्‍येम्‍मा सुमगी भी़ये हीन्‍गीन दुङक्षेनगी दुङकेकगी झ्‍येरी, जीक्‍तेनगी मीक्‍याला ॱङ्यावाली, ॱङ्यावाली, ॱङ्यावाली!”

ॱङो़न्‍पा 8:13 Iomraidhean Croise

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ॱङो़न्‍पा 11:14

धा दुक्‍पु ॱङीवागो जोक्‍पालाक। धेनी दुक्‍पु सुम्‍बागो ग्‍योक्‍वा हुङी हो़तालाक।

ॱङो़न्‍पा 12:12

होझ्‍येरी नाम्‍खे श्‍यीङखाम, धाङ होदुरु श्‍युक्‍कीन खेक्‍या घाटो झ्‍यी। हीना साश्‍यी धाङ ग्‍याछो दे, ॱङ्यावाली। घीझ्‍येरी ॱनाना राङगी धी़चो़ ङ्युङा हो़गीनगो स्‍येरी, धी़कगो खोङडो क्षे लारी, खीकीचारु माला हो हो़तालाक।”

ॱङो़न्‍पा 14:3

धेनी को़न्‍क्षोकगी श्‍युक्‍ठी धाङ होदे सेम्‍चेन श्‍यी धाङ ॱलोपो़नक्‍याई दोङदु, खुङक्‍याई ॱलु साबा च्‍यीक पुवालाक। धेनी साश्‍यीने रीङ तेरती ॱली़ला, मी बुम च्‍यीक धाङ श्‍यीपच्‍यु श्‍येवीक्‍या माना, श्‍येम्‍मा सी़या होदे ॱलुगो झाङ ॱमाथुक्‍पालाक।

ॱङो़न्‍पा 14:6

धेनी नाम्‍खे भाङछेन श्‍येम्‍मा च्‍यीक ॱनामगी बारनाङला फुरती धेगीनगो, ङी थोजुङ। धेनी साश्‍यीदु हो़गीन, मीरीक धाङ ग्‍युपा धाङ केरीक धाङ मी घीरीला सेटाक झ्‍यीये हीन्‍गीन, थामेगीन ताम्‍शाङगो खोङबाला हो़तालाक।

ॱङो़न्‍पा 19:17

धेनी ङी ङीमा खाला नाम्‍खे भाङछेन च्‍यीक, श्‍यारी श्‍युक्‍कीनगो थोजुङ। धेनी खोङबागी भारनामला फुरकीन झ्‍या घीरीला, सुङकेक क्षेला देरे सुवालाक, “स्‍योक, को़न्‍क्षोकगी श्‍युक्‍टा खाक्‍क्षेला जोम।

ॱङो़न्‍पा 3:10

खेक्‍याई शो़पा झ्‍यीघो़गीन ङी कागो ॱरुङरोवा झ्‍येरी, ङा ख्‍यो़ला साश्‍यीदु हो़गीन मी घीरीला छो़ता झ्‍यीयेला, जाम्‍बुलीङदु हुङये हीन्‍गीन होदे छो़तागी धी़चो़ने क्‍योप्‍येहीन।

ॱङो़न्‍पा 8:2

धेनी को़न्‍क्षोकगी डुङदु श्‍युक्‍कीन नाम्‍खे भाङछेन धी़नगो, ङी थोजुङ। धेनी खुङक्‍याला दुङक्षेन धी़न ॱनाङजुङ।

ॱङो़न्‍पा 9:1

धेनी नाम्‍खे भाङछेन ॱङावागी़, राङगी दुङक्षेनगो भी़वालाक धेनी ङी नाम्‍खाने साला ल्‍हीम्‍ला, कारमा च्‍यीक थोजुङ। होदेला थी मेगीन, दोङ-दोङगी धीमीकगो ॱनावालाक।

ॱङो़न्‍पा 9:12

दुक्‍पु धाङपोगो जोक्‍जुङ। धा धोराङा दुक्‍पु श्‍येम्‍मा ॱङी हुङये ल्‍हाक हो़तालाक।