ॱङो़न्‍पा 7:3 - ॱलोवा

³ “हेक्‍याई हीकी को़न्‍क्षोकगी श्‍याप्‍चीक्‍याई टाल्‍ले खाला थेचे माग्‍याप थुक्‍पे, साश्‍यी याङना ग्‍याछो याङना दोङबोक्‍याला ॱनो़ घीया ॱमाक्‍या।”

ॱङो़न्‍पा 7:3 Iomraidhean Croise

मेथा 24:22

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 3:33

खोङबागी पाङपो जेगीनला खेलेन्‍गीनक्‍याई, को़न्‍क्षोक धेन्‍पा हीन्‍गीनगी पाङपो झ्‍यीदालाक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

ॱङो़न्‍पा 13:16

धेनी होदेगी च्‍युङा धाङ क्षे धेनी क्षुक्‍पु धाङ उटे धेनी राङवाङ हो़गीन धाङ ढेन्‍योक घीरीला, खुङक्‍याई लाक्‍पा ॱये याङना टाल्‍लेला ताक ग्‍याप्‍तु च्‍युक्‍पालाक।

ॱङो़न्‍पा 13:17

धेनी होदे ताक दे मेताला सी़या ङ्यो-चोङ झ्‍यी ॱमेछोक्‍वालाक। होदे ताकगो, होदे सेम्‍चेन धाङपोगी मीङ याङना होदेगी मीङगी ढाङगा लाक।

ॱङो़न्‍पा 14:1

धा ङी तेवी। धेनी लुक्‍टुगो सीयोनगी रीला श्‍याङदी श्‍युक्‍कीन धाङ खोङमुला मी बुम च्‍यीक धाङ तोङ श्‍यीपच्‍यु श्‍येवीगो थोजुङ। खुङक्‍याई टाल्‍लेला खोङबागी छेन धाङ खोङबागी यापगी छेन ढीक्‍दुक।

ॱङो़न्‍पा 14:9

धेनी नाम्‍खे भाङछेन सुम्‍बागो, होदेक्‍याई स्‍याम्‍ला डारी सुङकेक क्षेला देरे सुजुङ, “होदे सेम्‍चेन धाङ होदेगी कुला क्षाक्‍क्षो़पा पुये धाङ होदेगी ताकगो, राङगी टाल्‍ले याङना लाक्‍पाला ग्‍याप हो़ना,

ॱङो़न्‍पा 19:2

घीझ्‍येरी ॱनाना खोङबागी ठीम्‍चो़ धेन्‍पा धाङ ढाङपो दुक। धेनी साश्‍यी हो़लेला राङगी दो़क्षाकगी ले ङेन्‍पा झ्‍यीरु च्‍युक्‍कीन, होदे केटाक्‍क्षे श्‍याङचोङमागोला, खोङबागी ठीम्‍चो़ जेदुक। धेनी खोङबागी श्‍याप्‍चीक्‍याई ठाकगी छापगो मोला लेन जेदुक।”

ॱङो़न्‍पा 20:4

धेनी ङी श्‍युक्‍ठीक्‍या धाङ ठीम्‍चो़ जेयेला आङजा थोप्‍था, होदे श्‍युक्‍ठी खाला श्‍युक्‍कीनक्‍या थोजुङ। धेनी येशुला धेन्‍पाङ झ्‍येजा धाङ को़न्‍क्षोकगी कागी दो़न्‍दु, गोवा चेचाक्‍याई सेम्‍ङीक्‍या ङी थोजुङ। खुङक्‍याई होदे सेम्‍चेन धाङ होदेगी कुला क्षाक्‍क्षो़पा ॱमापुवालाक धेनी होदेगी ताक टाल्‍ले याङना लाक्‍पाला माग्‍याप्‍पालाक। खुङक्‍या सो़न्‍पो झ्‍युवालाक धेनी मास्‍यीकामुला, खुङक्‍याई लो च्‍यीकतोङ थुक्‍पे वाङग्‍युर झ्‍येवालाक।

ॱङो़न्‍पा 22:4

खुङक्‍याई खोङबागी श्‍याल ज्‍यागीलाक धेनी खुङक्‍याई टाल्‍लेला खोङबागी छेन हुङगीलाक।

ॱङो़न्‍पा 6:6

धेनी होदे सेम्‍चेन श्‍यीगी खोक्‍ने, थो़न्‍गीन च्‍योक्‍रे केक च्‍यीक देरे ॱनागीनगो ङी घोरजुङ, “ङीमा च्‍यीकगी ॱलाज्‍या डो कीलो च्‍यीक धाङ ङीमा च्‍यीकगी ॱलाज्‍या ने, कीलो सुम लाक। धेनी ॱनुम धाङ घुन्‍क्षाङला क्‍यो़न ॱमाताङ।”

ॱङो़न्‍पा 7:1

होदे स्‍याम्‍ने, साश्‍यी याङना ग्‍याछो याङना दोङबो च्‍यीया खाला ॱलुङबु मीग्‍युक्‍वास्‍योक ॱनेरी, नाम्‍खे भाङछेन श्‍यी, साश्‍यीगी छोक श्‍यीगारागी ॱलुङबुला काक्‍ती, साश्‍यीगी छोक श्‍यीला श्‍यारी श्‍युक्‍कीनगो, ङी थोजुङ।

ॱङो़न्‍पा 7:2

धेनी स्‍यार स्‍योकने, नाम्‍खे भाङछेन श्‍येम्‍मा च्‍यीकगी सो़न्‍पो को़न्‍क्षोकगी थेचे खेरती, याला फेप्‍कीनगो ङी थोजुङ। धेनी साश्‍यी धाङ ग्‍याछोला ॱनो़ क्‍यायेगी आङजा थोप्‍था, नाम्‍खे भाङछेन श्‍यीला खोङगी सुङकेक क्षेला देरे सुजुङ,

ॱङो़न्‍पा 9:4

होदेक्‍याला साश्‍यीला हो़गीन, चा धाङ चीस्‍यीङ ॱनाछोक धाङ स्‍यीङदोङ घीला ॱनो़ ॱमाक्‍या हीना टाल्‍लेला को़न्‍क्षोकगी थेचे मेगीन मीक्‍याला च्‍यीगा, ॱनो़ क्‍यो़ सुरी सुवालाक।