ॱङो़न्‍पा 7:17 - ॱलोवा

¹⁷ घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”

ॱङो़न्‍पा 7:17 Iomraidhean Croise

मेथा 2:6

‘याहुदा युगी बेथलेहेम ख्‍यो़, याहुदापा पो़न्‍पोक्‍याने, ख्‍यो़ घाने च्‍युङा मेन, घीझ्‍येरी ॱनाना ख्‍यी़ नाङने, वाङग्‍युर झ्‍यीगीन च्‍यीक हुङगीलाक। खो ङी मीरीक ईस्‍राएलगी झीउ झ्‍युङगीलाक।’”

मेथा 5:4

सेम्‍दुक ङ्याङगीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याला सेम्‍सो थोप्‍कीलाक।

योहान्‍ना 10:11

“ङा नी, लुक्‍जी शाङपोगो हीन। लुक्‍जी शाङपोगी लुकक्‍याई क्षीला, राङगी ॱरोक ॱलो़ ताङालाक।

योहान्‍ना 10:14

“ङा नी, लुक्‍जी शाङपोगो हीन। यापगी ङाला खेन्‍दालाक। धेनी ङीया यापला ङो स्‍येलालाक। देरेराङ झ्‍येरी ङी राङगी लुकक्‍याला ङोस्‍येलीहो़क। धेनी ङी लुकक्‍यागीयाः ङाला ङो स्‍येलालाक। ङा नी लुकक्‍याई दो़न्‍दु, राङगी ॱरोक ॱलो़ ताङाहीन।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।

ॱङो़न्‍पा 14:4

खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 21:22

धेनी ङी होदे ग्‍याजा नाङदु क्षो़खाङ ॱमाथोजुङ घीझ्‍येरी ॱनाना चोवो कुवाङ को़न्‍क्षोक धाङ लुक्‍टु, खोङबाक्‍याराङ होदेगी क्षो़खाङ लाक।

ॱङो़न्‍पा 21:23

होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 4:11

“होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”

ॱङो़न्‍पा 5:6

धेनी सेदी श्‍याकश्‍या च्‍योक्‍रे थोङगीन, लुक्‍टु च्‍यीक श्‍युक्‍ठी धाङ सेम्‍चेन श्‍यीगी घुङदु धाङ ॱलोपो़नक्‍याई घुङदु श्‍याङरी श्‍युक्‍कीनगो, ङी थोजुङ। होदे लुक्‍टुला राक्‍योक धी़न धाङ ॱमीक धी़न दुक। होदेक्‍या जीक्‍तेन हो़लेदु झाजा, को़न्‍क्षोकगी थुक्‍ङी धी़न लाक।