ॱङो़न्‍पा 7:16 - ॱलोवा

¹⁶ खुङक्‍या याङ नामा तोक्‍की मालाक, धेनी याङ नामा खा कोम्‍गी मालाक। ङीमागी छाबा याङना छाबा घीन्‍गीयाः खुङक्‍या खाला फोक्‍की मालाक।

ॱङो़न्‍पा 7:16 Iomraidhean Croise

मेथा 13:21

हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

मेथा 13:6

हीना ङीमा स्‍यारी घाङला, होदेक्‍या छीक्‍पालाक धेनी चावा तीङ रीङा मेगीन झ्‍येरी काम्‍बालाक।

मेथा 5:6

ढाङतेनगी क्षीला तोक्‍कीन धाङ कोम्‍गीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍याई दो़पा खाङगीलाक।

मारकु 4:17

हीना चावा मेगीन झ्‍येरी, तीते माना धे थुक्‍कीमालाक। धेनी कागी झ्‍येरी काङे धाङ दुक्‍पु झ्‍युङी घाङला, खुङक्‍या उक्‍कुरा धेपाने ग्‍याप ॱलोक्‍कीलाक।

मारकु 4:6

धेनी ङीमा स्‍यारी घाङला, होदे केक्‍यागो छीक्‍ती चावा मेगीन झ्‍येरी काम्‍दी सोवालाक।

लुका 1:53

खोङबागी तोक्‍ती धेताक्‍याला, शाङागी खाङा जे हो़तालाक, धेनी क्षुक्‍पुक्‍याला, खोङबागी तोङबा तो़न जे हो़तालाक।

लुका 6:21

खे तोक्‍कीनक्‍या झ्‍यीलाप क्षे, घीझ्‍येरी ॱनाना खेक्‍या डागुलाक। खे ङुगीनक्‍या झ्‍यीलाप क्षे, घीझ्‍येरी ॱनाना खेक्‍या घो़मु स्‍योरकीलाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

याकोब 1:11

घीझ्‍येरी ॱनाना ङीमा छा स्‍यारती चाक्‍या कामालाक धेनी मेन्‍तोक साला भाप्‍ती, होदेगी जेवा घीरी येलालाक। होझ्‍येरीराङ क्षुक्‍पुक्‍या राङगी लेगी दो़न्‍दाकगी खोकला, मेताला डुगीलाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”