ॱङो़न्‍पा 7:13 - ॱलोवा

¹³ धेनी ॱलोपो़नक्‍याने च्‍यीकगी ङाला ढीजुङ, “दे घो़ काउ घो़न्‍गाक्‍या सुले? धेनी खुङक्‍या घाने होवाले?”

ॱङो़न्‍पा 7:13 Iomraidhean Croise

योहान्‍ना 7:28

होझ्‍येरी क्षो़खाङगी नाङदु क्षो़ सुङी घाङला, येशुगी सुङकेक क्षेला सुङा जेपालाक, “ङा सु हीन्‍गीन धाङ ङा घाने हुङगीनगो, खेक्‍याला स्‍येये हो़तालाक। ङा ङाराङ राङश्‍यीगी होवामेन हीना ङाला ॱङाक्‍कीनगो धेन्‍पा हीन। धेनी खेक्‍याई खोङला ङो ॱमेस्‍येलालाक।

जेपा 3:12

होदे मीक्‍याला थोरी पेटोगी ॱनेवालाक, “खे ईस्‍राएल्‍पाक्‍याओ, खेराङक्‍या घीझ्‍येरी दे लाबला ॱहाङसारी हेला तेरी धेदाले? हेक्‍याई दे मी देला हेरी नी़थु धाङ क्षो़सेमगी घोबा चुक्‍कीन शो़वालाक ॱनेरी, खेक्‍या साम्‍यी हेती?

ॱङो़न्‍पा 3:4

“हीना सारतीरु राङगी घोलाक ॱमेचाङा माशो़सा, मी तीते रे दुक। खुङक्‍या ङीमुला घो़ काउ घो़न्‍दी ग्‍युक्‍कीलाक घीझ्‍येरी ॱनाना खुङक्‍याला देरे झ्‍यीये खाये दुक।

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 5:11

धेनी ङी तेवी धेनी श्‍युक्‍ठी धाङ सेम्‍चेनक्‍या धाङ ॱलोपो़नक्‍याई थाकोरला, नाम्‍खे भाङछेन तोङठाक धाङ बुमठाकगी सुङकेक घोरजुङ।

ॱङो़न्‍पा 5:5

धेनी ॱलोपो़नक्‍याने च्‍यीकगी ङाला सुजुङ, “माङु। तो़दाङ, युदागी ग्‍युपागी सीङगे धाङ दावीदगी चावा हीन्‍गीन, खोङबागी ग्‍याखा थोप हो़तालाक। धेनी खोङबागी स्‍योक्‍टीगो खा स्‍यीक्‍ती, थेचे धी़नगो कोक थुक्‍वालाक।”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।