ॱङो़न्‍पा 7:10 - ॱलोवा

¹⁰ खुङक्‍याई केक क्षे ग्‍याप्‍ती ॱनेवालाक, “श्‍युक्‍ठीरु श्‍युक्‍कीन, होरी को़न्‍क्षोक धाङ लुक्‍टुने थारपा हो़तालाक।”

ॱङो़न्‍पा 7:10 Iomraidhean Croise

लुका 3:6

धेनी मी घीरीगी को़न्‍क्षोकगी थारपागो थोङगीलाक।’”

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 1:36

धेनी येशु होदेने फेप्‍कीनगो ज्‍यारी खी़ ॱनेवालाक, “तो़दाङ, को़न्‍क्षोकगी लुक्‍टु फेवी।”

योहान्‍ना 4:22

खेक्‍याई सुला क्षाक्‍क्षो़पा पुगीनगो ॱमेस्‍येलालाक धेनी हेक्‍याई सुला क्षाक्‍क्षो़पा पुगीनगो स्‍येलालाक घीझ्‍येरी ॱनाना थारपा याहुदापाक्‍याने झ्‍युङगीलाक।

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।

ॱङो़न्‍पा 19:1

होदे स्‍याम्‍ने, ङी नाम्‍खे श्‍यीङखामने मीछोक क्षेगी केक च्‍योक्‍रे च्‍यीक, देरे ॱनागीनगो घोरजुङ, “हालेलुयाह! थारपा धाङ शीजे धाङ वाङ, होरी को़न्‍क्षोकगी लाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”

ॱङो़न्‍पा 22:3

धा देने ॱहाला होदुरु नामा ॱमेमो मेशुक्‍कीलाक। को़न्‍क्षोक धाङ लुक्‍टुगी श्‍युक्‍ठीगो, होदे ग्‍याजारु झ्‍युङगीलाक धेनी खोङबागी श्‍याप्‍चीक्‍याई खोङबाला क्षाक्‍क्षो़पा पुगीलाक।

ॱङो़न्‍पा 4:6

धेनी श्‍युक्‍ठीगी दोङदु दाङस्‍येल च्‍योक्‍रे, स्‍येगी ग्‍याछो च्‍योक्‍रे च्‍यीक दुक। धेनी श्‍युक्‍ठीगी थाकोर धाङ छोक ॱङीगाराला दोङ धाङ ग्‍याप ॱङीगाराला, ॱमीक हो़गीन सेम्‍चेन श्‍यी हो़तालाक।

ॱङो़न्‍पा 5:7

खोङबा फेप्‍ती श्‍युक्‍ठीरु श्‍युक ॱनाङा जेजा, खोङबागी क्षाक ॱयेने होदे स्‍योक्‍टीगो ॱनुमा जेपालाक।