ॱङो़न्‍पा 6:9 - ॱलोवा

⁹ धेनी लुक्‍टुगी थेचे ॱङावागो स्‍यीयाराङ, क्षो़ठीगी होकदु को़न्‍क्षोकगी का धाङ खोङला धेन्‍पाङ झ्‍येजागी क्षीला सेसा, मीक्‍याई सेम्‍ङीक्‍या ङी थोजुङ।

ॱङो़न्‍पा 6:9 Iomraidhean Croise

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

२ कोरीन्‍थुपा 5:8

हेक्‍याला यीच्‍चे तेन्‍पो हो़क धेनी ली़ने खा डारी चोवोमुला ॱनेयेगो, हेक्‍या दो़दीहो़क।

फीलीप्‍पीपा 1:23

ङा दे ॱङीउगी खोक्‍दु छी़दी धेहो़क। ङा दे जीक्‍तेनने दारी, मास्‍यीकामुला झ्‍युङयेगो ङी दो़पा हो़क घीझ्‍येरी ॱनाना दे ॱमीच्‍यीकी घा दुक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 4:6

ङा नी सेरकेम पुयेला, पु रेन्‍दी ङा दायेगी धी़ बाप्‍सादुक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

ॱङो़न्‍पा 1:2

धेनी योहान्‍नागी को़न्‍क्षोकगी का धाङ येशु मास्‍यीकागी पाङपो झ्‍येरी, राङगी थोथा घीरीला धेन्‍पाङ झ्‍येवालाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।

ॱङो़न्‍पा 14:18

धेनी क्षो़ठीगी मेगी तादोक जेगीन, नाम्‍खे भाङछेन श्‍येम्‍मा च्‍यीक क्षो़ठी नाङने फेप्‍जुङ। धेनी शोरा ॱनोवा हो़गीन, नाम्‍खे भाङछेनगोला सुङकेक क्षेला सुजुङ, “ख्‍यो़री शोरा ॱनोवागो ग्‍योप धेनी साश्‍यीगी घुन्‍डुमगी छाक्‍पाक्‍या रुक घीझ्‍येरी ॱनाना साश्‍यीगी घुन्‍डुम घीरी छो़सादुक।”

ॱङो़न्‍पा 16:7

धेनी क्षो़ठीने देरे सुङगीनगो, ङी घोरजुङ, “लाक, के चोवो कुवाङ को़न्‍क्षोक, खेराङगी ठीम्‍चो़ नी धेन्‍पा धाङ ढाङपो दुक।”

ॱङो़न्‍पा 19:10

धेनी खोङबाला क्षाक्‍क्षो़पा पुयेला, ङी खोङबागी श्‍यापला क्षाक छावी। हीना खोङबागी ङाला सुजुङ, “देरे माझ्‍यी। ङा नी ख्‍यो़ धाङ ख्‍यी़ पी़नक्‍या च्‍योक्‍रे, येशुगी धेन्‍पाङ झ्‍यीगीन लेरोक च्‍यीगा हीन। को़न्‍क्षोकला क्षाक्‍क्षो़पा पु। घीझ्‍येरी ॱनाना येशुला धेन्‍पाङ झ्‍यीगीन नी, ॱङो़नस्‍येगी सेम्‍ङी लाक।”

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 20:4

धेनी ङी श्‍युक्‍ठीक्‍या धाङ ठीम्‍चो़ जेयेला आङजा थोप्‍था, होदे श्‍युक्‍ठी खाला श्‍युक्‍कीनक्‍या थोजुङ। धेनी येशुला धेन्‍पाङ झ्‍येजा धाङ को़न्‍क्षोकगी कागी दो़न्‍दु, गोवा चेचाक्‍याई सेम्‍ङीक्‍या ङी थोजुङ। खुङक्‍याई होदे सेम्‍चेन धाङ होदेगी कुला क्षाक्‍क्षो़पा ॱमापुवालाक धेनी होदेगी ताक टाल्‍ले याङना लाक्‍पाला माग्‍याप्‍पालाक। खुङक्‍या सो़न्‍पो झ्‍युवालाक धेनी मास्‍यीकामुला, खुङक्‍याई लो च्‍यीकतोङ थुक्‍पे वाङग्‍युर झ्‍येवालाक।

ॱङो़न्‍पा 8:3

धेनी नाम्‍खे भाङछेन श्‍येम्‍मा च्‍यीक, सेरगी पो़फोर खेरती फेप्‍जुङ धेनी क्षो़ठीगी डामदु श्‍यारी श्‍युक्‍जुङ। धेनी श्‍युक्‍ठीगी दोङदु हो़गीन सेरगी क्षो़ठी खाला, धाम्‍पे मीक्‍याई ॱमो़लामक्‍या पुयेला, खोला पो़ माङा ॱनावालाक।

ॱङो़न्‍पा 9:13

धेनी नाम्‍खे भाङछेन ढुक्‍पागी़ राङगी, दुङक्षेनगो भी़वालाक धेनी ङी को़न्‍क्षोकगी दोङदु हो़गीन, सेरगी क्षो़ठीगी राक्‍योक श्‍यीने, केक च्‍यीक थो़न्‍गीन घोरजुङ।