ॱङो़न्‍पा 6:16 - ॱलोवा

¹⁶ खुङक्‍याई रीक्‍या धाङ डाकक्‍याला देरे ॱनेवालाक, “हीकी खाला ल्‍हीम धेनी श्‍युक्‍ठीरु श्‍युक्‍कीनगी, श्‍याल धाङ लुक्‍टुगी थुक्‍ठो़ने, हेक्‍याला भेरोझ्‍यी।

ॱङो़न्‍पा 6:16 Iomraidhean Croise

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मारकु 3:5

खुङक्‍याई सेम ॱरागोला येशुगी थुक फाम्‍दी खोङडो लारी, खुङक्‍या घीरीला शीक्‍पालाक। धेनी होदे मीला सुवालाक, “ख्‍यो़री लाक्‍पा क्‍योङ।” खी़ लाक्‍पा क्‍यावालाक धेनी खी़ लाक्‍पा चो़गा झ्‍युवालाक।

लुका 23:30

होदे घाङला मीक्‍याई घाङरीक्‍याला, ‘हीकी खाला ल्‍हीम’ धेनी रीक्‍याला ‘हेक्‍याला कोप।’ ॱनेरी ॱनागीलाक।

ॱङो़न्‍पा 10:6

धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 19:15

मीरीकक्‍याला ग्‍याप्‍येगी क्षीला, खोङबागी श्‍यालने राल्‍डी ॱनोवा च्‍यीक थो़न्‍दी धेनी खोङबागी च्‍याकगी भेक्‍योकगी थोक्‍ने, खुङक्‍या खाला वाङग्‍युर जेगीलाक। धेनी घुन्‍क्षाङ चीरसा श्‍योङ नाङने खोवा तो़न्‍गीन च्‍योक्‍रे, खोङबागी कुवाङ को़न्‍क्षोकगी थुक्‍ठो़गी नाङ खुङक्‍याला चीरकीलाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 4:2

धेनी लाम्‍साङ ङा धाम्‍पे थुक्‍ङीगी खाजुङ। धेनी नाम्‍खे श्‍यीङखामदु श्‍युक्‍ठी च्‍यीक दुक धेनी होदे श्‍युक्‍ठीगी खाला श्‍युक्‍कीन च्‍यीक दुक।

ॱङो़न्‍पा 4:5

धेनी होदे श्‍युक्‍ठी नाङने ॱलोक्‍मारगी, हो़क्‍या धाङ धीरडा धाङ डुककेगी डाक्‍या थो़न्‍दी होवालाक। धेनी होदे श्‍युक्‍ठीगी दोङदु मेगी क्‍युङ धी़न भारती धे हो़तालाक। होदेक्‍या नी, को़न्‍क्षोकगी थुक्‍ङी धी़न लाक।

ॱङो़न्‍पा 4:9

धेनी होदे सेम्‍चेनक्‍याई श्‍युक्‍ठीरु श्‍युक्‍वा जेगीन धाङ धी़ तेन्‍दु ॱनेया जेगीन, खोङबाला शीजे धाङ कुरती धाङ थुक्‍जे पुली घाङला,

ॱङो़न्‍पा 5:1

धेनी श्‍युक्‍ठीरु श्‍युक्‍कीनगी क्षाक ॱयेला, छोक ॱङीगाराला ढीक्‍टा धाङ थेचे धी़न ग्‍यापक्‍या स्‍योक्‍टीगो, ङी थोजुङ।

ॱङो़न्‍पा 6:10

खुङक्‍याई के ग्‍याप्‍ती देरे ॱनेवालाक, “के कुवाङ को़न्‍क्षोक, धाम्‍पा धाङ धेन्‍पा ला, खेराङगी जीक्‍तेनदु हो़गीन मीक्‍याला नाम ठीम्‍चो़ जेये धेनी हीकी ॱरोक लेन्‍गीनक्‍याला नाम डास्‍या लेन्‍दा जेये?”

ॱङो़न्‍पा 9:6

होदे ङीमाक्‍याला मीक्‍याई छीवा चागीलाक हीना ॱमेथोप्‍कीलाक। खुङक्‍या स्‍यीङी दो़गीलाक हीना छीवा खुङक्‍याने डो़री डुगीलाक।