ॱङो़न्‍पा 6:11 - ॱलोवा

¹¹ खुङक्‍या घीरीला घो़ काउ ॱनावालाक धेनी खुङक्‍याई लेरोक धाङ पी़नक्‍याः खुङक्‍याला च्‍योक्‍रे सेदी, ढाङगा ॱमाछाङगीन थुक्‍पे, धोराङा च्‍ये च्‍यीक ङासुरी धो़क ॱनेरी सुवालाक।

ॱङो़न्‍पा 6:11 Iomraidhean Croise

मेथा 10:21

“पी़न च्‍यीकगी राङगी पी़न श्‍येम्‍माला सेदु च्‍युक्‍कीलाक धेनी आकीगी राङगी टुला धेनी टुवाक्‍या फामागी ग्‍यापला लाङगीलाक धेनी खुङक्‍याला सेदु च्‍युक्‍कीलाक।

लुका 15:22

हीना आकीगी़ खोरी ॱयोक्‍पोक्‍याला ॱनेवालाक, ‘ग्‍योक्‍जे घो़ खाक्‍क्षेगो खेरती खोला को़न। धेनी खी़ जुला सोप्‍तोक धाङ काङबाला शो़म्‍बा को़न।

योहान्‍ना 16:2

खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।

ईब्‍रीपा 11:40

घीझ्‍येरी ॱनाना होराङक्‍यामुला, खुङक्‍या फी़न्‍सुम छोक्‍पा झ्‍युङास्‍योक ॱनेरी, को़न्‍क्षोकगी होराङला देने ल्‍हाक शाङा क्षास्‍यी स्‍याम हो़तालाक।

ईब्‍रीपा 12:23

नाम्‍खे श्‍यीङखामदु मीङ ढीक्‍टा एन्‍ला केक्‍या क्‍याई छोक्‍दुरु, खेक्‍या हो हो़तालाक। धेनी खेक्‍या मी घीरीगी ठीम्‍पो़न हीन्‍गीन को़न्‍क्षोक चारु धेनी फी़न्‍सुम छोक्‍पा जेजा, ढाङतेनगी मीक्‍याई सेम्‍ङीगी घुङदु,

ईब्‍रीपा 4:10

घीझ्‍येरी ॱनाना को़न्‍क्षोकगी राङगी क्षाक्‍लेक्‍याने ङासु जेगीन च्‍योक्‍रे, को़न्‍क्षोकगी ङासु नाङला जुये हीन्‍गीन घीरीगीयाः, राङगी लेगाक्‍याने ङासुगीलाक।

ॱङो़न्‍पा 10:6

धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 13:15

धेनी होदे कुगो लाब ताङ थुक्‍कीन झ्‍युङये धाङ होदेला क्षाक्‍क्षो़पा ॱमीपुगीन घीरी सेदु च्‍युक्‍येगी क्षीला, होदे सेम्‍चेन धाङपोगी कुला उप तेरयेगी नी़थु, होदे सेम्‍चेन ॱङीवागोला तेर हो़तालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 17:6

धेनी होदे भोमोगी़ येशुला, धेन्‍पाङ झ्‍यीगीन धाम्‍पे मीक्‍याई ठाक थुरी शीगीनगो, ङी थोजुङ। होदेला थोरी ङा ॱमीच्‍यीकी ॱहाङसाजुङ।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”

ॱङो़न्‍पा 7:9

होदे स्‍याम्‍ने सी़याः ढाङगा ग्‍याप ॱमीथुक्‍कीन, मीरीक हो़ले धाङ ग्‍युपा हो़ले धाङ मीमाङ हो़ले धाङ केरीक हो़लेगी, मीछोक क्षे च्‍यीक श्‍युक्‍ठी धाङ लुक्‍टुगी दोङदु लारी धेगीनगो, ङी थोजुङ। धेनी खुङक्‍या घो़ काउ घो़न्‍दी, लाक्‍पारु स्‍यीङ तालागी याकाक्‍या खेरती धेदुक।