ॱङो़न्‍पा 5:5 - ॱलोवा

⁵ धेनी ॱलोपो़नक्‍याने च्‍यीकगी ङाला सुजुङ, “माङु। तो़दाङ, युदागी ग्‍युपागी सीङगे धाङ दावीदगी चावा हीन्‍गीन, खोङबागी ग्‍याखा थोप हो़तालाक। धेनी खोङबागी स्‍योक्‍टीगो खा स्‍यीक्‍ती, थेचे धी़नगो कोक थुक्‍वालाक।”

ॱङो़न्‍पा 5:5 Iomraidhean Croise

लुका 23:28

खुङक्‍या स्‍योकला शीक्‍ती येशुगी सुवालाक, “येरुसालेमगी भोमोक्‍याओ, ङी क्षीला माङु हीना खेक्‍या खेराङ धाङ खेरी टुवाक्‍या क्षीला ङी़।

लुका 7:13

धेनी चोवो येशुगी मोला शीक्‍ती, खोङबागी सेम ॱङीङजेगी खारी मोला सुवालाक, “माङु।”

लुका 8:52

मी घीरी ङुता ग्‍याप्‍ती मी़ क्षीला दुक ॱरुङी हो़तालाक हीना खोङबागी सुवालाक, “माङु, मो ॱमास्‍यी हो़तालाक हीना मो ङ्यारी धे हो़तालाक।”

योहान्‍ना 20:13

खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

रोमापा 1:3

ताम्‍शाङ दे नी को़न्‍क्षोकगी सेगी कोरला लाक। खोङ नी, ली़ला ग्‍यावु दावीदगी दुङग्‍युने ठुङवालाक।

रोमापा 15:12

धेनी याङ यस्‍यायागी सुङालाक, “येस्‍सेगी ग्‍युपाने मी च्‍यीक फेप्‍कीलाक, खोङगी याहुदापा मेन्‍गीनक्‍याई खाला वाङ जेगीलाक, धेनी खुङक्‍याई खोङबा खाला रेवा श्‍याक्‍कीलाक।”

ईब्‍रीपा 7:14

घीझ्‍येरी ॱनाना होरी चोवो नी, याहुदागी ग्‍युपाने लाक ॱनेरी सावो हो़तालाक। धेनी ग्‍युपा देने क्षो़पो़न झ्‍युङगीनगी कोरला, मोशेगी घीया ॱमासुङ हो़तालाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 5:4

धेनी ङा ॱमीच्‍यीकी ङी़वी घीझ्‍येरी ॱनाना होदे स्‍योक्‍टीगो स्‍यी़ थुप्‍कीन याङना होदे नाङदु ता थुप्‍कीन मी सुवाः ॱमाङेबालाक।

ॱङो़न्‍पा 6:1

धेनी लुक्‍टुगी़ होदे थेचे धी़नक्‍याने च्‍यीक स्‍यीक्‍कीनगो, ङी थोङी घाङला सेम्‍चेन श्‍यीक्‍याने च्‍यीकगी, डुक दीरकीन च्‍योक्‍रे केकला “स्‍योक” ॱनागीनगो, ङी घोरजुङ।

ॱङो़न्‍पा 7:13

धेनी ॱलोपो़नक्‍याने च्‍यीकगी ङाला ढीजुङ, “दे घो़ काउ घो़न्‍गाक्‍या सुले? धेनी खुङक्‍या घाने होवाले?”