ॱङो़न्‍पा 5:13 - ॱलोवा

¹³ धेनी नाम्‍खे श्‍यीङखाम धाङ साश्‍यी धाङ साश्‍यी होकला हो़गीनक्‍या धाङ ग्‍याछो धाङ होदे नाङला हो़गीन सेम्‍चेन घीरीगी, देरे ॱनागीनगो ङी घोरजुङ, “श्‍युक्‍ठीरु श्‍युक्‍कीन धाङ लुक्‍टुला, तो़पा धाङ कुरती धाङ शीजे धाङ वाङ, ग्‍युने ग्‍युन्‍दु हुङास्‍योक।”

ॱङो़न्‍पा 5:13 Iomraidhean Croise

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 16:27

कुन खेन्‍गीन को़न्‍क्षोक च्‍यीक्‍पोला, येशु मास्‍यीकागी थोक्‍ने ग्‍युने ग्‍युन्‍दु शीजे हुङवास्‍योक। आमेन।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

एफीसुपा 3:21

क्षो़छोक धाङ मास्‍यीका येशुगी थोक्‍ने, मीरापने मीराप थुक्‍पे ग्‍युने ग्‍युन्‍दु तो़पा हुङास्‍योक। आमेन।

फीलीप्‍पीपा 2:10

होझ्‍येरी ॱनाम धाङ सा धेनी सा तीङला हो़गीन घीरीगी, येशुगी छेनला पीमु चुक्‍ती क्षाक छाघो़।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ तीमोथेउ 4:16

ख्‍यो़राङ धाङ ख्‍यो़री ॱलापच्‍याला शाप-शाप झ्‍येरी धो़क। देलाराङ तेन्‍पोमा ॱनेरे धो़क। देरे झ्‍यीना ख्‍यी़ राङ धाङ ख्‍यो़ला ङेन्‍गीन ॱङीगाराला क्‍योप्‍कीलाक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।

१ पेटो 5:11

धी़ तेन्‍दु वाङ खोङबागी हुङास्‍योक। आमेन।

युदा 1:25

खोङबा होरी क्‍याम्‍गो़न धाङ को़न्‍क्षोक च्‍यीक च्‍यीक्‍पोला, होरी चोवो येशु मास्‍यीकागी थोक्‍ने, शीजे धाङ ॱङेन्‍डाक धाङ नी़थु धाङ आङजा, कावा घीरीगी एम्‍माने धान्‍दा धाङ ग्‍युने ग्‍युन थुक्‍पे हुङास्‍योक। आमेन।

ॱङो़न्‍पा 1:6

धेनी होराङला खोङगी याप को़न्‍क्षोकला श्‍याप्‍ची श्‍युयेला, ग्‍यासी धाङ क्षो़पो़न जेगीन, खोङबाला शीजे धाङ वाङ ग्‍युने ग्‍युन्‍दु हुङवास्‍योक। आमेन।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 5:1

धेनी श्‍युक्‍ठीरु श्‍युक्‍कीनगी क्षाक ॱयेला, छोक ॱङीगाराला ढीक्‍टा धाङ थेचे धी़न ग्‍यापक्‍या स्‍योक्‍टीगो, ङी थोजुङ।

ॱङो़न्‍पा 5:12

खोङबाक्‍या सुङकेक क्षेला देरे सुङी हो़तालाक, “सेसा लुक्‍टुगोला, वाङ धाङ नोर धाङ स्‍येराप धाङ स्‍युक, धेनी कुरती धाङ शीजे धाङ तो़पा थोप घोयेदुक।”

ॱङो़न्‍पा 5:3

नाम्‍खे श्‍यीङखामदु याङना साश्‍यीदु याङना सातीङदु स्‍योक्‍टी दे खा स्‍यीक्‍ती, होदे नाङला ता थुक्‍कीन सुवा मेतालाक।

ॱङो़न्‍पा 5:6

धेनी सेदी श्‍याकश्‍या च्‍योक्‍रे थोङगीन, लुक्‍टु च्‍यीक श्‍युक्‍ठी धाङ सेम्‍चेन श्‍यीगी घुङदु धाङ ॱलोपो़नक्‍याई घुङदु श्‍याङरी श्‍युक्‍कीनगो, ङी थोजुङ। होदे लुक्‍टुला राक्‍योक धी़न धाङ ॱमीक धी़न दुक। होदेक्‍या जीक्‍तेन हो़लेदु झाजा, को़न्‍क्षोकगी थुक्‍ङी धी़न लाक।

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।

ॱङो़न्‍पा 6:16

खुङक्‍याई रीक्‍या धाङ डाकक्‍याला देरे ॱनेवालाक, “हीकी खाला ल्‍हीम धेनी श्‍युक्‍ठीरु श्‍युक्‍कीनगी, श्‍याल धाङ लुक्‍टुगी थुक्‍ठो़ने, हेक्‍याला भेरोझ्‍यी।