ॱङो़न्‍पा 4:6 - ॱलोवा

⁶ धेनी श्‍युक्‍ठीगी दोङदु दाङस्‍येल च्‍योक्‍रे, स्‍येगी ग्‍याछो च्‍योक्‍रे च्‍यीक दुक। धेनी श्‍युक्‍ठीगी थाकोर धाङ छोक ॱङीगाराला दोङ धाङ ग्‍याप ॱङीगाराला, ॱमीक हो़गीन सेम्‍चेन श्‍यी हो़तालाक।

ॱङो़न्‍पा 4:6 Iomraidhean Croise

ॱङो़न्‍पा 14:3

धेनी को़न्‍क्षोकगी श्‍युक्‍ठी धाङ होदे सेम्‍चेन श्‍यी धाङ ॱलोपो़नक्‍याई दोङदु, खुङक्‍याई ॱलु साबा च्‍यीक पुवालाक। धेनी साश्‍यीने रीङ तेरती ॱली़ला, मी बुम च्‍यीक धाङ श्‍यीपच्‍यु श्‍येवीक्‍या माना, श्‍येम्‍मा सी़या होदे ॱलुगो झाङ ॱमाथुक्‍पालाक।

ॱङो़न्‍पा 15:2

धेनी मे मुला डेडा, स्‍येगी ग्‍याछो च्‍योक्‍रे च्‍यीक ङी थोजुङ। धेनी ग्‍याछोगी डामदु सेम्‍चेन धाङ होदेगी कु धाङ होदेगी मीङगी ढाङगा खाला ग्‍याखा थोप्‍थाक्‍या, राङगी लाक्‍पाला को़न्‍क्षोकगी ॱनाङना पीवाङ खेरती लारी धेदुक।

ॱङो़न्‍पा 15:7

धेनी होदे सेम्‍चेन श्‍यीउने च्‍यीकगी धी़ तेन्‍दु ॱनेगीन को़न्‍क्षोक, खोङबागी थुक्‍ठो़गी खाङखा सेरगी फोरा धी़नगो, होदे नाम्‍खे भाङछेन धी़नला ॱनावालाक।

ॱङो़न्‍पा 19:4

धेनी होदे ॱलोपो़न ङीस्‍यु चापश्‍यी धाङ सेम्‍चेन श्‍यीगी श्‍युक्‍ठीला श्‍युक्‍कीन, को़न्‍क्षोकगी डुङदु ली़ साला दाप्‍ती देरे ॱनेरी क्षाक्‍क्षो़पा पुवालाक, “आमेन। हालेलुयाह!”

ॱङो़न्‍पा 21:11

होदेला को़न्‍क्षोकगी शीजेगी हो़ स्‍यारी धेनी दी हो़ नी, धो रीन्‍पोक्षे याङटी ॱङोम्‍पो च्‍योक्‍रे धाङ दाङस्‍येल च्‍योक्‍रे साला हो़तालाक।

ॱङो़न्‍पा 21:18

होदे च्‍यारीगो ॱयाङटी ॱङोम्‍पोगी शो़ हो़तालाक धेनी ग्‍याजागो दाङस्‍येल च्‍योक्‍रे साला हो़गीन, सेरगी च्‍योमागी शो़ हो़तालाक।

ॱङो़न्‍पा 21:21

होदे गेघो च्‍युङङीगो मुतीक च्‍युङङीगी, शो़ हो़तालाक। गेघो रे-रे मुतीक रे-रेगी शो़ हो़तालाक। धेनी ग्‍याजागी ॱराङगाकगो दाङस्‍येल च्‍योक्‍रे सावो हो़गीन, सेर च्‍योमागी शो़ हो़तालाक।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 5:11

धेनी ङी तेवी धेनी श्‍युक्‍ठी धाङ सेम्‍चेनक्‍या धाङ ॱलोपो़नक्‍याई थाकोरला, नाम्‍खे भाङछेन तोङठाक धाङ बुमठाकगी सुङकेक घोरजुङ।

ॱङो़न्‍पा 5:14

धेनी होदे सेम्‍चेन श्‍यीगारागी “आमेन” ॱनेवालाक। धेनी होदे ॱलोपो़नक्‍याई, ॱली़ साला दाप्‍ती क्षाक छावालाक।

ॱङो़न्‍पा 5:6

धेनी सेदी श्‍याकश्‍या च्‍योक्‍रे थोङगीन, लुक्‍टु च्‍यीक श्‍युक्‍ठी धाङ सेम्‍चेन श्‍यीगी घुङदु धाङ ॱलोपो़नक्‍याई घुङदु श्‍याङरी श्‍युक्‍कीनगो, ङी थोजुङ। होदे लुक्‍टुला राक्‍योक धी़न धाङ ॱमीक धी़न दुक। होदेक्‍या जीक्‍तेन हो़लेदु झाजा, को़न्‍क्षोकगी थुक्‍ङी धी़न लाक।

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।

ॱङो़न्‍पा 6:1

धेनी लुक्‍टुगी़ होदे थेचे धी़नक्‍याने च्‍यीक स्‍यीक्‍कीनगो, ङी थोङी घाङला सेम्‍चेन श्‍यीक्‍याने च्‍यीकगी, डुक दीरकीन च्‍योक्‍रे केकला “स्‍योक” ॱनागीनगो, ङी घोरजुङ।

ॱङो़न्‍पा 6:6

धेनी होदे सेम्‍चेन श्‍यीगी खोक्‍ने, थो़न्‍गीन च्‍योक्‍रे केक च्‍यीक देरे ॱनागीनगो ङी घोरजुङ, “ङीमा च्‍यीकगी ॱलाज्‍या डो कीलो च्‍यीक धाङ ङीमा च्‍यीकगी ॱलाज्‍या ने, कीलो सुम लाक। धेनी ॱनुम धाङ घुन्‍क्षाङला क्‍यो़न ॱमाताङ।”

ॱङो़न्‍पा 7:11

धेनी नाम्‍खे भाङछेनक्‍या घीरी, श्‍युक्‍ठी धाङ ॱलोपो़नक्‍या धाङ सेम्‍चेन श्‍यीक्‍याई थाकोरला श्‍यारी श्‍युक्‍दुक। धेनी खुङक्‍या श्‍युक्‍ठीगी दोङदु क्षाक छारी, को़न्‍क्षोकला देरे ॱनेरी क्षाक्‍क्षो़पा पुली,

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”