ॱङो़न्‍पा 4:11 - ॱलोवा

¹¹ “होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”

ॱङो़न्‍पा 4:11 Iomraidhean Croise

जेपा 14:15

“खेराङक्‍याई दे घी झ्‍यीदाले? हेक्‍याः खेराङक्‍या च्‍योक्‍रे मी हीन। हेक्‍या खेराङक्‍याला ताम्‍शाङ स्‍येये ॱनेरी होवाहीन। देरे क्षोमेगीन लेगा भोरती, नाम्‍खे श्‍यीङखाम धाङ जाम्‍बुलीङ धाङ ग्‍याछो धेनी होदुरु हो़गीन घीरी को़ ॱनाङगीन, सो़न्‍पो को़न्‍क्षोकला यीच्‍चे झ्‍यीघोगुलाक।

जेपा 17:24

जाम्‍बुलीङ धाङ देला हो़गीन घीरी को़ ॱनाङगीन, को़न्‍क्षोकराङ नाम्‍खे श्‍यीङखाम धाङ जाम्‍बुलीङगी चोवो लाक। खोङबा मीक्‍याई शो़सा ल्‍हाखाङदु मीश्‍युक्‍वालाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

ईब्‍रीपा 1:10

खोङबागी याङ सुङालाक, “के चोवो थोक्‍मा खेराङगी साश्‍यीगी ॱमाङस्‍यी तीङ हो़तालाक, धेनी नाम्‍खाक्‍या खेराङगी क्षाकगी को़ जेपालाक।

ईब्‍रीपा 1:2

हीना दे थामे धी़क्‍याला, खोङबागी राङगी सेगी थोक्‍ने, होराङक्‍याला का ॱनाङ हो़तालाक। धेनी राङगी सेला ॱङोपो घीरीगी खाला ग्‍युज्‍यीन को़वालाक धेनी खोङगी थोक्‍नेराङ जीक्‍तेन खाम घीरी को़ जेपालाक।

ॱङो़न्‍पा 1:6

धेनी होराङला खोङगी याप को़न्‍क्षोकला श्‍याप्‍ची श्‍युयेला, ग्‍यासी धाङ क्षो़पो़न जेगीन, खोङबाला शीजे धाङ वाङ ग्‍युने ग्‍युन्‍दु हुङवास्‍योक। आमेन।

ॱङो़न्‍पा 10:6

धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 14:7

खोङबागी सुङकेक क्षेला सुवालाक, “को़न्‍क्षोकला जीक्‍नाङ झ्‍यी धेनी तो़पा पु घीझ्‍येरी ॱनाना खोङबागी ठीम्‍चो़गी धी़चो़गो ॱलेप्‍दुक। नाम्‍खे श्‍यीङखाम धाङ साश्‍यी धाङ ग्‍याछो धाङ क्षु क्षुमीकक्‍या को़ जेगीन, खोङबाला क्षाक्‍क्षो़पा पु।”

ॱङो़न्‍पा 19:1

होदे स्‍याम्‍ने, ङी नाम्‍खे श्‍यीङखामने मीछोक क्षेगी केक च्‍योक्‍रे च्‍यीक, देरे ॱनागीनगो घोरजुङ, “हालेलुयाह! थारपा धाङ शीजे धाङ वाङ, होरी को़न्‍क्षोकगी लाक।

ॱङो़न्‍पा 5:12

खोङबाक्‍या सुङकेक क्षेला देरे सुङी हो़तालाक, “सेसा लुक्‍टुगोला, वाङ धाङ नोर धाङ स्‍येराप धाङ स्‍युक, धेनी कुरती धाङ शीजे धाङ तो़पा थोप घोयेदुक।”

ॱङो़न्‍पा 5:2

धेनी नाम्‍खे भाङछेन वाङक्षे च्‍यीकगी सुङकेक क्षेला देरे सुङगीनगो, ङी थोजुङ, “दे थेचेक्‍या कोक्‍ती, स्‍योक्‍टीगो स्‍यीक्‍रीन खाये सु हो़ताले?”

ॱङो़न्‍पा 5:9

धेनी खुङक्‍याई तो़लु साबा च्‍यीक लेन्‍दी ॱनेवालाक, “खेराङला स्‍योक्‍टी दे ॱनुम्‍ये धाङ होदेगी थेचेक्‍या कोक थुप्‍कीन आङजा हो़तालाक, घीझ्‍येरी ॱनाना खेराङला सेपालाक, धेनी खेराङगी कुठाकगी को़न्‍क्षोकगी क्षीदु, ग्‍युपा धाङ केरीक धाङ मी धाङ मीरीकक्‍याने, मीक्‍या ङ्यो़वालाक।