ॱङो़न्‍पा 4:10 - ॱलोवा

¹⁰ होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 4:10 Iomraidhean Croise

मेथा 2:11

धा नाङला जुरी, टुगोला खोरी युम मीरीयाममुला ज्‍यावालाक। धेनी पीमु साला चुक्‍ती, खुङक्‍याई खोङबाला क्षाक छावालाक। धेनी तेरगाम खा पेरी, सेर धाङ पो़कार धाङ ढीस्‍यीमक्‍या तो़न्‍दी, खोङबागी दोङला ज्‍यागाक्‍या पुवालाक।

लुका 24:52

धेनी खुङक्‍याई खोङबाला क्षाक छारी ॱमीच्‍यीकी ङ्यामो घेरी, येरुसालेमला लोक्‍पालाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

ॱङो़न्‍पा 10:6

धेनी नाम्‍खे श्‍यीङखाम धाङ होदे नाङदु हो़गीन धेनी साश्‍यी धाङ होदे नाङ हो़गीन धेनी ग्‍याछो धाङ होदे नाङ हो़गीन घीरी, को़ जेगीन धाङ ग्‍युने ग्‍युन्‍दु ॱनेगीन, खोङगी छेनला उ ॱना श्‍येरी, खोङगी सुवालाक, “धा देने ल्‍हाक धाला झ्‍युङगीमालाक।

ॱङो़न्‍पा 11:16

धेनी को़न्‍क्षोकगी दोङदु राङ-राङगी श्‍युक्‍ठीगी खाला श्‍युक्‍कीन, ॱलोपो़न ङीस्‍यु चापश्‍यीक्‍याई क्षाक क्षारी, को़न्‍क्षोकला क्षाक्‍क्षो़पा पुरी

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”

ॱङो़न्‍पा 15:7

धेनी होदे सेम्‍चेन श्‍यीउने च्‍यीकगी धी़ तेन्‍दु ॱनेगीन को़न्‍क्षोक, खोङबागी थुक्‍ठो़गी खाङखा सेरगी फोरा धी़नगो, होदे नाम्‍खे भाङछेन धी़नला ॱनावालाक।

ॱङो़न्‍पा 19:4

धेनी होदे ॱलोपो़न ङीस्‍यु चापश्‍यी धाङ सेम्‍चेन श्‍यीगी श्‍युक्‍ठीला श्‍युक्‍कीन, को़न्‍क्षोकगी डुङदु ली़ साला दाप्‍ती देरे ॱनेरी क्षाक्‍क्षो़पा पुवालाक, “आमेन। हालेलुयाह!”

ॱङो़न्‍पा 4:2

धेनी लाम्‍साङ ङा धाम्‍पे थुक्‍ङीगी खाजुङ। धेनी नाम्‍खे श्‍यीङखामदु श्‍युक्‍ठी च्‍यीक दुक धेनी होदे श्‍युक्‍ठीगी खाला श्‍युक्‍कीन च्‍यीक दुक।

ॱङो़न्‍पा 4:4

होदे श्‍युक्‍ठीगी थाकोरला श्‍युक्‍ठी ङीस्‍यु चापश्‍यी दुक। धेनी उला सेरगी चो़पेन धाङ घो़ काउ घो़न्‍गा, ॱलोपो़न ङीस्‍यु चापश्‍यी होदे श्‍युक्‍ठीक्‍याखाला श्‍युक्‍कीनगो ङी ज्‍याजुङ।

ॱङो़न्‍पा 4:9

धेनी होदे सेम्‍चेनक्‍याई श्‍युक्‍ठीरु श्‍युक्‍वा जेगीन धाङ धी़ तेन्‍दु ॱनेया जेगीन, खोङबाला शीजे धाङ कुरती धाङ थुक्‍जे पुली घाङला,

ॱङो़न्‍पा 5:14

धेनी होदे सेम्‍चेन श्‍यीगारागी “आमेन” ॱनेवालाक। धेनी होदे ॱलोपो़नक्‍याई, ॱली़ साला दाप्‍ती क्षाक छावालाक।

ॱङो़न्‍पा 5:8

धेनी खोङबागी होदे स्‍योक्‍टीगो ॱनुमा जेसारती, होदे सेम्‍चेन श्‍यी धाङ ॱलोपो़न ङीस्‍यु चापश्‍यीगोक्‍या, लुक्‍टुगी दोङदु क्षाक छावालाक। खुङ रे-रेगी क्षाकला पीवाङ धाङ पो़ खाङखा सेरगी फोराक्‍या ॱनुम हो़तालाक। होदे पो़क्‍या को़न्‍क्षोकगी मीक्‍याई पुपा ॱमो़लामक्‍या लाक।

ॱङो़न्‍पा 7:11

धेनी नाम्‍खे भाङछेनक्‍या घीरी, श्‍युक्‍ठी धाङ ॱलोपो़नक्‍या धाङ सेम्‍चेन श्‍यीक्‍याई थाकोरला श्‍यारी श्‍युक्‍दुक। धेनी खुङक्‍या श्‍युक्‍ठीगी दोङदु क्षाक छारी, को़न्‍क्षोकला देरे ॱनेरी क्षाक्‍क्षो़पा पुली,