ॱङो़न्‍पा 3:17 - ॱलोवा

¹⁷ ‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।

ॱङो़न्‍पा 3:17 Iomraidhean Croise

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 9:12

हीना येशुगी दे सेन्‍दा जेदी सुवालाक, “आम्‍ची थाङाक्‍याला मेन्‍दा, नेपाक्‍याला घो़लालाक।

लुका 1:53

खोङबागी तोक्‍ती धेताक्‍याला, शाङागी खाङा जे हो़तालाक, धेनी क्षुक्‍पुक्‍याला, खोङबागी तोङबा तो़न जे हो़तालाक।

लुका 6:24

“हीना धान्‍दा क्षुक्‍पु हो़गीनक्‍या ॱङ्याली, घीझ्‍येरी ॱनाना खेक्‍याला कीदा थोप्‍सालाक।

रोमापा 11:20

दे धेन्‍पा लाक। खुङक्‍याई धेपा माझ्‍येवा खुङक्‍या च्‍येपालाक। हीना खेक्‍याई धेपा झ्‍येरी खेक्‍या ॱने हो़तालाक। होझ्‍येरी राङतो़ माझ्‍यी हीना जीक्‍नाङ झ्‍यी।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 7:24

आच्‍ची, ङा घीन्‍गी दुक्‍वा मी च्‍यीक ले। दे छीवागी ली़ने ङाला सी़ थारपा जेगीले?

२ पेटो 1:9

हीना दो़न देक्‍या मेगीन मीक्‍या राङगी धीक्‍पा ॱङीङबाक्‍या दाक्‍सासागो ज्‍येदी डुगीन, थाक्‍रीङाला हो़गीनगो ॱमेथोङगीन श्‍यारा च्‍योक्‍रे लाक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 3:16

घीझ्‍येरी ॱनाना ख्‍यो़ ढाङमोवाः मेगीन छादीयाः मेगीन ॱमामोई झ्‍येरी, ङा ख्‍यो़ला ङी खाने तोरयेहीन।