ॱङो़न्‍पा 3:14 - ॱलोवा

¹⁴ “लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।

ॱङो़न्‍पा 3:14 Iomraidhean Croise

योहान्‍ना 1:3

घीरी खोङगी थोक्‍ने झ्‍युवालाक धेनी झ्‍युजा घीरी, खोङगी थोक्‍ने माना माझ्‍युवालाक।

योहान्‍ना 8:14

येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

कोलोसेपा 1:15

मास्‍यीका नी, ॱमीकगी थोङ ॱमीथुप्‍कीन को़न्‍क्षोकगी कुयीप लाक धेनी को़पा घीरीने, एन्‍ला खोङ ठुवालाक।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

कोलोसेपा 2:1

खेक्‍या धाङ लाउदीकेयागी मीक्‍या धाङ ङी ङोरोङ थोङ माङ्युङगीन श्‍येम्‍मा मी घीरीगी क्षीदु, ङी ग्‍यापक्‍या काल्‍ले क्षेगो खेक्‍याई स्‍येलाझ्‍यी ॱनेरी, ङा दो़दीहो़क।

कोलोसेपा 4:16

दे यीक दे, खेक्‍याई ॱलोक छारती लाउदीकेपाक्‍याई क्षो़छोकला ॱलोक्‍तु च्‍युक धेनी लाउदीकेयाने कुका यीक गोवा खेक्‍या ॱलोक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 2:1

“एफीसुगी क्षो़छोकगी भाङछेनला देरे ढीक, “राङगी क्षाक ॱयेला कारमा धी़न शीम्‍गीन, धाङ सेरगी क्‍युङ धी़नगी घुङला श्‍याप्‍छाक जेगीन, खोङबागी दे काक्‍या सुङी।

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:13

ङा नी आल्‍फा धाङ ओमेगा धेनी एम्‍मा धाङ स्‍याम्‍मा धेनी थोक्‍मा धाङ थागो हीन।”

ॱङो़न्‍पा 22:6

धेनी नाम्‍खे भाङछेनगी ङाला सुजुङ, “दे लाबक्‍या ॱलो काथुक्‍कीन धाङ धेन्‍पा दुक। धा ग्‍योक्‍जे झ्‍युङये हीन्‍गीन लाबक्‍या, राङगी श्‍याप्‍चीक्‍याला तो़न्‍येगी क्षीदु, ॱङो़नस्‍येखेनक्‍याई सेम्‍ङीगी चोवो को़न्‍क्षोकगी राङगी भाङछेनला झाङा जेदुक।”

ॱङो़न्‍पा 3:7

“फीलादेल्‍फीयागी क्षो़छोकगी भाङछेनला देरे ढीक, “धाम्‍पा धाङ धेन्‍पा धेनी दावीदगी दीमीक हो़गीन, खोङबागी दे काक्‍या सुङी। खोङबागी पेगीन घोगो सी़या ग्‍याप ॱमीथुक्‍कीलाक धेनी खोङबागी ग्‍याप्‍कीन घोगो, सी़या पे ॱमीथुक्‍कीलाक।