ॱङो़न्‍पा 22:9 - ॱलोवा

⁹ हीना खोङबागी ङाला दे सुजुङ, “देरे माझ्‍यी। ङा नी, ख्‍यो़ धाङ ख्‍यी़ पी़न ॱङो़नस्‍येखेनक्‍या धाङ दे धेपगी काक्‍या ॱरुङगीनक्‍यामुला, श्‍याप्‍चीपा च्‍यीक्‍पा लाक। को़न्‍क्षोकला च्‍यीगा क्षाक्‍क्षो़पा पु।”

ॱङो़न्‍पा 22:9 Iomraidhean Croise

मेथा 4:9

खोङबाला ॱनेवालाक, “खेराङगी ङाला क्षाक छाना, दे घीरी ङी खेराङला पुलो।”

लुका 4:7

खेराङगी ङाला क्षाक छाना, दे घीरी खेराङगी झ्‍युङगीलाक।”

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 14:7

खोङबागी सुङकेक क्षेला सुवालाक, “को़न्‍क्षोकला जीक्‍नाङ झ्‍यी धेनी तो़पा पु घीझ्‍येरी ॱनाना खोङबागी ठीम्‍चो़गी धी़चो़गो ॱलेप्‍दुक। नाम्‍खे श्‍यीङखाम धाङ साश्‍यी धाङ ग्‍याछो धाङ क्षु क्षुमीकक्‍या को़ जेगीन, खोङबाला क्षाक्‍क्षो़पा पु।”

ॱङो़न्‍पा 15:4

के चोवो, खेराङला जीक्‍टा सी़ मीझ्‍यीगीलाक से? धेनी खेराङगी छेनला सी़ तो़पा ॱमीपुगीलाक से? घीझ्‍येरी ॱनाना खेराङ च्‍यीगा धाम्‍पा हो़तालाक। धेनी मीरीक घीरी होरी खेराङला क्षाक्‍क्षो़पा पुगीलाक। घीझ्‍येरी ॱनाना खेराङगी ढाङतेनगी क्षाक्‍लेक्‍या ॱङो़न्‍दुक।”

ॱङो़न्‍पा 19:10

धेनी खोङबाला क्षाक्‍क्षो़पा पुयेला, ङी खोङबागी श्‍यापला क्षाक छावी। हीना खोङबागी ङाला सुजुङ, “देरे माझ्‍यी। ङा नी ख्‍यो़ धाङ ख्‍यी़ पी़नक्‍या च्‍योक्‍रे, येशुगी धेन्‍पाङ झ्‍यीगीन लेरोक च्‍यीगा हीन। को़न्‍क्षोकला क्षाक्‍क्षो़पा पु। घीझ्‍येरी ॱनाना येशुला धेन्‍पाङ झ्‍यीगीन नी, ॱङो़नस्‍येगी सेम्‍ङी लाक।”

ॱङो़न्‍पा 22:10

याङ खोङबागी ङाला देरे सुजुङ, “दे धेपगी ॱङो़नस्‍येगी काला थेचे माग्‍याप घीझ्‍येरी ॱनाना धी़गो ङ्येदुक।

ॱङो़न्‍पा 22:18

दे धेपगी ॱङो़नस्‍येगी का ङेन्‍गीन घीरीला, ङा ङेन्‍ता ताङाहीन। मी सु च्‍यीकगीया दे खाला ॱनो़न्‍गा ग्‍याप्‍ना, को़न्‍क्षोकगी होदे मी खाला, दे धेप नाङला ढीक्‍टा दुक्‍पुक्‍याई छेपा का जेगीलाक।

ॱङो़न्‍पा 22:7

येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”

ॱङो़न्‍पा 4:10

होदे ॱलोपो़न ङीस्‍यु चापश्‍यीगो श्‍युक्‍ठीरु श्‍युक्‍वा जेगीनगी, दोङदु क्षाक छाली धेनी धी़ तेन्‍दु ॱनेया जेगीनगोला, खुङक्‍या क्षाक्‍क्षो़पा पुली। धेनी खुङक्‍याई राङ-राङगी चो़पेनक्‍या श्‍युक्‍ठी दोङदु श्‍याक्‍ती देरे ॱलु पुली,

ॱङो़न्‍पा 9:20

दे दुक्‍पुगी थोक्‍ने ॱमास्‍यीस्‍या मी ल्‍हाक्‍माक्‍याई, धोराङा राङगी लाक्‍पी लेगाक्‍याला पारी सेम माग्‍युरपालाक। धेनी खुङक्‍याई डेक्‍या धाङ थोङ ॱमीथुक्‍कीन याङना घोर ॱमीथुक्‍कीन याङना ग्‍युक ॱमीथुक्‍कीन सेर धाङ ॱङु धाङ लीदीङ धाङ धोगोङ धाङ स्‍यीङगी शो़सा, कुन्‍डाक्‍याला क्षाक्‍क्षो़पा पुयेला छाम माश्‍याक्‍पालाक।