ॱङो़न्‍पा 22:7 - ॱलोवा

⁷ येशुगी सुङालाक, “तो़दाङ, ङा ग्‍योक्‍वा हुङाहीन। दे धेपला ढीक्‍टा ॱङो़नस्‍येक्‍याई का ॱरुङगीनक्‍या झ्‍यीलाप क्षे लाक।”

ॱङो़न्‍पा 22:7 Iomraidhean Croise

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 1:3

धा दे ॱङो़नस्‍येगी छीकक्‍या केक ग्‍याप्‍ती, ॱलोक्‍कीनक्‍या झ्‍यीलाप क्षे लाक। धेनी दी नाङला ढीक्‍टाक्‍या ङेन्‍दी, ॱरुङगीनक्‍या झ्‍यीलाप क्षे लाक। घीझ्‍येरी ॱनाना धी़चो़गो नी ङे ॱलेप्‍दुक।

ॱङो़न्‍पा 16:15

“तो़दाङ, ङा कुमु च्‍योक्‍रे ॱहाताक्‍पाला हुङयेहीन। धेनी ॱमाराङा मीग्‍युक्‍ये धाङ ङोजा मीझ्‍युङयेगी क्षीदु, ॱङी मालोक्‍वा राङगी घोलाक घो़न्‍दी धेगीन मीगो, झ्‍यीलाप क्षे लाक।”

ॱङो़न्‍पा 2:16

होझ्‍येरी धीक्‍पा पारी सेम ग्‍युरवा तोङ। याङमेना ङा खीकीचारु ग्‍योक्‍जे हुङयेहीन धेनी ङी खागी राल्‍डीगी खुङक्‍यामुला टाप्‍येहीन।

ॱङो़न्‍पा 22:12

येशुगी सुङालाक, “तो़दाङ, ङा ग्‍योक्‍वा हुङीहो़क। मी घीरीला राङ-राङगी झ्‍यीगीनला तेरी, होदेगी ढेबु तेरयेहीन।

ॱङो़न्‍पा 22:18

दे धेपगी ॱङो़नस्‍येगी का ङेन्‍गीन घीरीला, ङा ङेन्‍ता ताङाहीन। मी सु च्‍यीकगीया दे खाला ॱनो़न्‍गा ग्‍याप्‍ना, को़न्‍क्षोकगी होदे मी खाला, दे धेप नाङला ढीक्‍टा दुक्‍पुक्‍याई छेपा का जेगीलाक।

ॱङो़न्‍पा 22:19

धेनी दे ॱङो़नस्‍येगी धेपगी काने मी सु च्‍यीकगीयाः छीक च्‍यीया ठीना, दे धेप नाङला ढीक्‍टा छेसोकगी दोङबो धाङ धाम्‍पे ग्‍याजाने, होदे मीला थोप्‍ये हीन्‍गीन कादागो, को़न्‍क्षोकगी होदेने ठोक्‍वा जेगीलाक।

ॱङो़न्‍पा 22:20

दे लाबक्‍याई पाङपो जेगीनगी सुङालाक, “ॱङोन्‍नेराङ ङा ग्‍योक्‍वा हुङीहो़क।” आमेन। चोवो येशु फेप्‍रोनाङ।

ॱङो़न्‍पा 22:21

चोवो येशुगी थुक्‍जे, मी घीरीमुला ॱनेवास्‍योक। आमेन।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।