ॱङो़न्‍पा 22:17 - ॱलोवा

¹⁷ धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।

ॱङो़न्‍पा 22:17 Iomraidhean Croise

योहान्‍ना 1:37

ङेने दे ॱङीउगी होदे घोरती येशुगी स्‍याबाला डावालाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 4:11

धेनी केमीगी़ खोङबाला श्‍यी़वालाक, “ॱलोपो़न ला, क्षुदोङ दे तीङ रीङा दुक धेनी खेराङला क्षु छुयेला ॱनो़ च्‍यीया मीदुक। धा खेराङगी होदे सो़न्‍पो क्षु घाने खेरती हुङये?

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

योहान्‍ना 4:29

“ङी झ्‍येजा घीरी ङाला सुङगीन मी देला तारु स्‍योक। मास्‍यीकागो खोङबाराङ मेन्‍डी़?”

योहान्‍ना 7:37

धी़छेनगी थागी ङीमा क्षेगोला, येशु श्‍येङदी सुङकेक क्षेला सुङा जेपालाक, “खे कोम्‍गीनक्‍या ङी डुङदु होरी थुङास्‍योक।

रोमापा 3:24

हीना राङगी थुक्‍जेगी रीङ मेगीन ॱनाङज्‍यीनने, को़न्‍क्षोकगी मी घीरीला ढाङपो जेदालाक। दे नी, मीक्‍याला धीक्‍पाने थारपा जेगीन, येशु मास्‍यीकागी थोक्‍ने जेदालाक।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

ॱङो़न्‍पा 14:13

धेनी नाम्‍खे श्‍यीङखामने देरे सुङकेक च्‍यीक ङी घोरजुङ, “देरे ढीक। धा देने ॱहाला चोवोला धेपा झ्‍येरी, ढोङगीनक्‍या झ्‍यीलाप क्षे लाक।” धेनी धाम्‍पे थुक्‍ङीगी सुङालाक, “लाक। खुङक्‍या राङगी काल्‍लेने ङासुगीलाक घीझ्‍येरी ॱनाना खुङक्‍याई लेगागी ज्‍यागा खुङक्‍याला ॱनाङगीलाक।”

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 21:2

धेनी ङी धाम्‍पे ग्‍याजा याङना येरुसालेम साबागो, राङगी माक्‍पागी क्षीदु छो़ शाप्‍ती धेता भाक्‍मा च्‍योक्‍रे, को़न्‍क्षोकने नाम्‍खे श्‍यीङखामने माला भाप्‍कीनगो थोजुङ।

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”