ॱङो़न्‍पा 21:8 - ॱलोवा

⁸ हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 21:8 Iomraidhean Croise

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

मेथा 25:25

होझ्‍येरी ङा जीक्‍जुङ धेनी ङी सोरी खेराङगी टाङगागो साई होकला बेरी श्‍याक्‍पी। धा खेराङगी हीन्‍गीनगो खेराङ लेन्‍रो झ्‍यी।’

मेथा 8:26

धेनी खोङबागी खुङक्‍याला सुवालाक, “खे धेपा च्‍युङाक्‍या घीझ्‍येरी जीयाले?” धेनी खोङबा श्‍येङदी, ॱलुङछुप धाङ भालापला काको़न जेपालाक धेनी होदुरु तीङल्‍हेवी झ्‍युवालाक।

मारकु 9:44

[ॱङ्यावादु बु ॱमीक्षीयालाक धेनी मेया ॱमीस्‍यीयालाक।]

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

२ थेसालोनीकेपा 2:9

ठीमने डागीन मी दे धी़कगी वाङने होरी, शोक्‍पो ताकक्‍या धाङ ॱहाङसागीन लेगाक्‍या

१ तीमोथेउ 4:2

देरे ॱलापच्‍याक्‍या शोक स्‍येगीनक्‍याई ॱली़टेने हुङगीलाक। खुङक्‍याई स्‍येराप शाङपो, मेच्‍याकगी ॱराक्‍रा च्‍योक्‍रे हुङालाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

ईब्‍रीपा 12:24

धेनी धाम्‍चा साबागी भारमी जेगीन येशुगी डुङदु धेनी हाबेलगी ठाकने का शाङा सुङगीन, कुठाक तोरकीनगी दोङदु खेक्‍या हो हो़तालाक।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।

१ योहान्‍ना 2:22

धा शोक्‍पोगो सुले? शोक्‍पो नी, येशुराङ मास्‍यीका लाक ॱनेरी, खेमेलेन्‍गीनक्‍या लाक। देरे मी नी याप धाङ सेला खेमेलेन्‍गीन, मास्‍यीकागी डागो लाक।

१ योहान्‍ना 3:15

राङगी पी़नक्‍याला दाङा झ्‍यीगीन घीरी, ॱरोक चेगीन लाक धेनी ॱरोक चेगीनक्‍याई नाङ थामेपे छेसोक ॱमेनेलालाक ॱनेरी, खेक्‍या स्‍येलालाक।

१ योहान्‍ना 5:10

धेनी को़न्‍क्षोकगी सेला धेपा झ्‍यीगीन घीरीगी, सेम नाङला पाङपो दे हो़तालाक। धेनी को़न्‍क्षोकला धेपा मीझ्‍यीगीनक्‍याई खोङबाला शोक्‍पो शो़ हो़तालाक घीझ्‍येरी ॱनाना को़न्‍क्षोकगी राङगी सेगी कोरला जेगीन पाङपोला, खुङक्‍याई धेपा माझ्‍येवालाक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।

ॱङो़न्‍पा 19:20

धेनी होदे सेम्‍चेन धाङ होदेगी छापला ॱहाङसागीन लेगा तो़न्‍गीन, ॱङो़नस्‍येखेन शोक्‍पो ॱङीगाराला शीम्‍बालाक। धेनी होदे ॱङो़नस्‍येखेन शोक्‍पोगी़ राङगी ॱहाङसागीन लेगाक्‍याई थोक्‍ने, होदे सेम्‍चेनगी ताक लेन्‍ला धाङ होदेगी कुला क्षाक्‍क्षो़पा पुगीनक्‍याला ॱली़ हो़तालाक। दे ॱङीगाराला मे भारती धेता मुशेगी छोला सो़न्‍पो ॱयुक्‍पालाक।

ॱङो़न्‍पा 2:11

“आमच्‍योक हो़गीनक्‍याई धाम्‍पे थुक्‍ङीगी, क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली, होदेगोला छीवा ॱङीवाने क्‍यो़न घीया झ्‍युङगीमालाक।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।

ॱङो़न्‍पा 9:17

ङी थोङनाङला थोथा ताक्‍या धाङ तावाक्‍या देरे दुक; खुङक्‍याई ढाङठापगो मे च्‍योक्‍रे ॱमाउ धाङ ठाधो च्‍योक्‍रे ॱङोम्‍पो धाङ मुशे च्‍योक्‍रे सेउ दुक। होदे ताक्‍याई गोगो, सीङगेगी गो च्‍योक्‍रे दुक। धेनी होदे ताक्‍याई खाने मे धाङ धीबा धाङ मुशे थो़न्‍दी हो़तालाक।

ॱङो़न्‍पा 9:21

धेनी श्‍येम्‍मागी ॱरोक चेचा धाङ ॱङाक ग्‍यापक्‍या धाङ लोक्‍येम धाङ कुमा कुका लेगाक्‍याला, खुङक्‍याई पारी सेम ग्‍युरवा ॱमातावालाक।