ॱङो़न्‍पा 21:4 - ॱलोवा

⁴ खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 21:4 Iomraidhean Croise

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

१ कोरीन्‍थुपा 15:26

धेनी घीरीने थाला, मेताला जेघोये हीन्‍गीन डागो छीवा लाक।

१ कोरीन्‍थुपा 7:31

धेनी जीक्‍तेनगी च्‍यालाकक्‍या लाक्‍लेन ताङगीनक्‍या, होदेला ढेवा घीया मेगीन च्‍योक्‍रे झ्‍यीघो़। घीझ्‍येरी ॱनाना जीक्‍तेनगी धान्‍दागी ॱनाम्‍पा नी मेताला डी़।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

२ कोरीन्‍थुपा 6:17

होझ्‍येरी चोवोगी सुवालाक, “खुङक्‍याई घुङने थो़न्‍दी स्‍योक, धेनी खुङक्‍याने खेक्‍या खा ढो, ॱमेचाङा घीया माजु, धेनी ङा खेक्‍याला खेलेन झ्‍यीयेहीन।”

ईब्‍रीपा 12:27

“धोराङाः थेङ च्‍यीक” सुङगीन का दी, को़पागी नाङ हो़गीन घु-घु ताङ थुक्‍कीन घीरी मेताला जेगीलाक धेनी घु-घु ताङ ॱमीथुक्‍कीनक्‍या ॱनेगीलाक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।

१ योहान्‍ना 2:17

दे जीक्‍तेन धाङ दी दो़क्षाकक्‍या येरी डोवालाक हीना को़न्‍क्षोकगी थुकोङ डुप्‍कीनक्‍या ग्‍युने ग्‍युन्‍दु ॱनेलालाक।

ॱङो़न्‍पा 20:13

ग्‍याछोगी राङगी नाङला हो़गीन, स्‍यीम्‍पोक्‍या धाङ छीवा धाङ स्‍यीम्‍पोक्‍या धेसागी, राङगी नाङला हो़गीन स्‍यीम्‍पोक्‍या तेरपालाक धेनी होदे रे-रेला राङ-राङगी झ्‍येजा लेगाला तेन्‍ती ठीम्‍चो़ झ्‍युवालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 21:1

धेनी ङी नाम्‍खे श्‍यीङखाम साबा धाङ साश्‍यी साबा थोजुङ घीझ्‍येरी ॱनाना एम्‍मागी ॱनाम धाङ साश्‍यी येरी सोवालाक। धेनी ग्‍याछोगोवाः येरी मेतालाक।

ॱङो़न्‍पा 22:3

धा देने ॱहाला होदुरु नामा ॱमेमो मेशुक्‍कीलाक। को़न्‍क्षोक धाङ लुक्‍टुगी श्‍युक्‍ठीगो, होदे ग्‍याजारु झ्‍युङगीलाक धेनी खोङबागी श्‍याप्‍चीक्‍याई खोङबाला क्षाक्‍क्षो़पा पुगीलाक।

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”