ॱङो़न्‍पा 21:23 - ॱलोवा

²³ होदे ग्‍याजाला ङीमा याङना दावागी हो़ मेघोवालाक घीझ्‍येरी ॱनाना को़न्‍क्षोकगी शीजेगी, होदेला हो़ ॱनाङालाक धेनी होदेगी ॱलोकगो लुक्‍टु लाक।

ॱङो़न्‍पा 21:23 Iomraidhean Croise

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

मारकु 8:38

दे लोक्‍येम धाङ धीक्‍चेनगी मीराप दोङला, सी़ ङा धाङ ङी काला ङोजा झ्‍यीदी, होदेक्‍याला मी-भु राङगी यापगी शीजेगी नाङने, धाम्‍पे भाङछेनक्‍यामुला फेई घाङला, खी़या ङोजा झ्‍यीगीलाक।”

लुका 2:32

खोङ नी याहुदापा मेन्‍गीनक्‍याई क्षीला खेराङगी थुकोङ ॱङो़न्‍ये धाङ, खेराङगी मीरीक ईस्‍राएल्‍पाक्‍याई क्षीदु शीजे झ्‍युङये हो़गो लाक।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:4

कागी नाङ छे हो़तालाक धेनी छे दे मीगी हो़गो हीन।

योहान्‍ना 1:9

मी घीरीला हो़ ॱनाङगीन, धेन्‍पे हो़गो जीक्‍तेनदु फेई हो़तालाक।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

जेपा 22:11

होदे हो़क ॱमीच्‍यीकी साला झ्‍येरी, ङा ॱमीक थोङ ॱमाथुप्‍कीन झ्‍युजुङ। होझ्‍येरी ङी रोवाक्‍याई ङाला लाक्‍ते ठीक्‍ती दामासेकोरु ठीक्‍पालाक।

ॱङो़न्‍पा 14:4

खुङक्‍या नी, भोमोक्‍यामुला माडेवा राङला चाङमा श्‍याक हो़तालाक। खुङक्‍या नी, लुक्‍टु घारु फेप्‍सारु स्‍याबाला डागीनक्‍या लाक। धेनी खुङक्‍या नी, को़न्‍क्षोक धाङ लुक्‍टुगी क्षीदु, लोदोकगी फी़ च्‍योक्‍रे, मीक्‍याने रीङ तेरती ॱली़लोवाक्‍या लाक।

ॱङो़न्‍पा 18:1

होदे स्‍याम्‍ने, नाम्‍खे श्‍यीङखामने वाङक्षे हो़गीन नाम्‍खे भाङछेन श्‍येम्‍मा च्‍यीक माला फेप्‍कीनगो, ङी थोजुङ। होदेगी शीजेगी साश्‍यीला, हो़ ठाछाई झ्‍युवालाक।

ॱङो़न्‍पा 21:11

होदेला को़न्‍क्षोकगी शीजेगी हो़ स्‍यारी धेनी दी हो़ नी, धो रीन्‍पोक्षे याङटी ॱङोम्‍पो च्‍योक्‍रे धाङ दाङस्‍येल च्‍योक्‍रे साला हो़तालाक।

ॱङो़न्‍पा 21:25

ग्‍याजागी गेघो नी, ॱरो रुक्‍ती नामा मेग्‍याप्‍कीलाक घीझ्‍येरी ॱनाना होदुरु छेन मेयोङालाक।

ॱङो़न्‍पा 22:5

होदुरु याङ नामा छेन झ्‍युङगीमालाक। धेनी ॱलोक धाङ ङीमागी, हो़ खुङक्‍याला घोगीमालाक घीझ्‍येरी ॱनाना चोवो को़न्‍क्षोक खुङक्‍याई हो़ झ्‍युङगीलाक। धेनी खुङक्‍याई ग्‍युने ग्‍युन्‍दु वाङग्‍युर झ्‍यीगीलाक।

ॱङो़न्‍पा 5:6

धेनी सेदी श्‍याकश्‍या च्‍योक्‍रे थोङगीन, लुक्‍टु च्‍यीक श्‍युक्‍ठी धाङ सेम्‍चेन श्‍यीगी घुङदु धाङ ॱलोपो़नक्‍याई घुङदु श्‍याङरी श्‍युक्‍कीनगो, ङी थोजुङ। होदे लुक्‍टुला राक्‍योक धी़न धाङ ॱमीक धी़न दुक। होदेक्‍या जीक्‍तेन हो़लेदु झाजा, को़न्‍क्षोकगी थुक्‍ङी धी़न लाक।

ॱङो़न्‍पा 7:17

घीझ्‍येरी ॱनाना श्‍युक्‍ठीगी घुङदु श्‍युक्‍कीन लुक्‍टुगो, खुङक्‍याई लुक्‍जी झ्‍युङगीलाक। धेनी खोङबागी खुङक्‍याला छेसोकगी क्षुमीक डामदु ठीया जेगीलाक। धेनी को़न्‍क्षोकगी खुङक्‍याई ॱमीकगी क्षीमाक घीरी फीया जेगीलाक।”