ॱङो़न्‍पा 20:15 - ॱलोवा

¹⁵ धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।

ॱङो़न्‍पा 20:15 Iomraidhean Croise

मेथा 13:42

धेनी मेगी थाप नाङदु ॱयुक्‍कीलाक। साजा होदुरु मी घीरी ङुगीन धाङ सो ढीक्‍कीन हुङगीलाक।

मेथा 13:50

धेनी हादेक्‍याला मेगी थापला ॱयुक्‍कीलाक। होदे साजारु ङुगीन धाङ सो ढीक्‍कीन झ्‍युङगीलाक।

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 10:20

घीहीन्‍ना ॱनो़पाक्‍या खीकी खाला ङेन्‍दी ॱनेरी, देला ङ्यामो माघा हीना नाम्‍खे श्‍यीङखामदु खीकी मीङ ढीक्‍कीनगोला ङ्यामो घो़।”

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ॱङो़न्‍पा 19:20

धेनी होदे सेम्‍चेन धाङ होदेगी छापला ॱहाङसागीन लेगा तो़न्‍गीन, ॱङो़नस्‍येखेन शोक्‍पो ॱङीगाराला शीम्‍बालाक। धेनी होदे ॱङो़नस्‍येखेन शोक्‍पोगी़ राङगी ॱहाङसागीन लेगाक्‍याई थोक्‍ने, होदे सेम्‍चेनगी ताक लेन्‍ला धाङ होदेगी कुला क्षाक्‍क्षो़पा पुगीनक्‍याला ॱली़ हो़तालाक। दे ॱङीगाराला मे भारती धेता मुशेगी छोला सो़न्‍पो ॱयुक्‍पालाक।

ॱङो़न्‍पा 20:10

धेनी खुङक्‍याला ॱली़गीन होदे डेगो सेम्‍चेन धाङ ॱङो़नस्‍येखेन शोक्‍पोगोवाः हो़सा, मे धाङ मुशेगी छो नाङदु ॱयुक्‍पालाक। होदुरु खुङक्‍या ग्‍युने ग्‍युन्‍दु ङीन-छेन दुक्‍पु ङ्याङगीलाक।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 3:5

धेनी सु ग्‍याली, होदेगोला ङा खुङक्‍याला च्‍योक्‍रे घो़ काउ को़न्‍येहीन। धेनी खी़ मीङगो ङा छेसोकगी धेबने सुप्‍येमेन। धेनी ङा खी़ मीङ, ङी याप धाङ खोङबागी भाङछेनक्‍याई डुङदु खेलेन झ्‍यीयेहीन।