ॱङो़न्‍पा 20:13 - ॱलोवा

¹³ ग्‍याछोगी राङगी नाङला हो़गीन, स्‍यीम्‍पोक्‍या धाङ छीवा धाङ स्‍यीम्‍पोक्‍या धेसागी, राङगी नाङला हो़गीन स्‍यीम्‍पोक्‍या तेरपालाक धेनी होदे रे-रेला राङ-राङगी झ्‍येजा लेगाला तेन्‍ती ठीम्‍चो़ झ्‍युवालाक।

ॱङो़न्‍पा 20:13 Iomraidhean Croise

मेथा 11:23

“धेनी खे काफारनाहुमगी मीक्‍या राङ-राङला नाम्‍खे श्‍यीङखामदु ताक्‍टु ॱनेरी, सामी हो़ती? खेक्‍या ॱङ्यावागी तीङला पाप्‍कीलाक। घीझ्‍येरी ॱनाना खेक्‍याई खोक्‍दु झ्‍येजा ॱहाङसागीन क्षाक्‍लेक्‍या सादोमदु झ्‍युङहो़ना, धीरीङ थुक्‍पे होदे ग्‍याजागो ॱनेहो़टु।

मेथा 16:27

घीझ्‍येरी ॱनाना मी-भु नी, राङगी भाङछेनक्‍यामुला राङगी यापगी शीजेला फेप्‍कीलाक धेनी मी रे-रेला राङगी ज्‍यावाला थी़न्‍गीन लेन ॱनाङगीलाक।

१ कोरीन्‍थुपा 15:26

धेनी घीरीने थाला, मेताला जेघोये हीन्‍गीन डागो छीवा लाक।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।

ॱङो़न्‍पा 20:12

धेनी ङी क्षे धाङ च्‍युङा स्‍यीम्‍पो घीरीला, श्‍युक्‍ठीगी दोङदु लारी धेगीनगो थोजुङ धेनी धेपक्‍या खा पेवालाक। धेनी छेसोकगी धेप हीन्‍गीन धेप श्‍येम्‍मा च्‍यीयाः खा पेवालाक। धेनी होदे धेबक्‍या नाङला ढीक हो़गीन, खुङक्‍याई झ्‍येजाला तेन्‍ती खुङक्‍याला ठीम्‍चो़ झ्‍युवालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।

ॱङो़न्‍पा 21:4

खोङबागी खुङक्‍याई ॱमीकने, छीमाक घीरी फीला जेगीलाक। धेनी होदुरु छीवा याङना दुङा याङना ङुता ग्‍याप्‍ये याङना शुक घीया झ्‍युङगीमालाक घीझ्‍येरी ॱनाना एम्‍मागी दो़नक्‍या जोक्‍सारालाक।”

ॱङो़न्‍पा 6:8

ङी तेवी धेनी होदुरु ता सेउ च्‍यीक थोजुङ। होदे खाला श्‍यो़न्‍गीनगी मीङगो “छीवा” दुक धेनी स्‍यीम्‍पोक्‍या धेसागो, होदेगी स्‍याम-स्‍याम्‍ला डावालाक। धेनी खुङक्‍याला राल्‍डी धाङ मुगे धाङ घो़ने धाङ जीक्‍तेनगी चेनशेनगी गोने, सेदु च्‍युक्‍येला जीक्‍तेनगी दुबु श्‍यीने च्‍यीकगी खाला आङ तेर हो़तालाक।