ॱङो़न्‍पा 20:11 - ॱलोवा

¹¹ धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।

ॱङो़न्‍पा 20:11 Iomraidhean Croise

मेथा 11:22

हीना ङा खेक्‍याला ॱनाहीन, ठीम चेगीन ङीमाला खेक्‍याले ल्‍हाक, ताएर धाङ सीदोनगी ॱनेछुला शो़पा श्‍येगीलाक।

मेथा 24:35

ॱनाम-सा ॱङी येरी डुगीलाक हीना ङी काक्‍या येगीमालाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

रोमापा 2:5

हीना ख्‍यी़ राङगी सेम ग्‍योङा धाङ ग्‍यो़पा मीझ्‍यीदा सेम माग्‍युरकीनगी झ्‍येरी, को़न्‍क्षोकगी ढाङतेनगी ठीम्‍चो़ ॱङो़न्‍गीन खोङबागी थुक्‍ठो़गी ङीमागी क्षीला, ख्‍यो़ राङगी खाला को़न्‍क्षोकगी थुक्‍ठो़ साःलाक।

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

ॱङो़न्‍पा 12:8

हीना होदे डुक धाङ खी़ भाङछेनक्‍या फाम्‍बालाक धेनी खुङक्‍याला नाम्‍खे श्‍यीङखामदु धेदु ॱमाच्‍युक्‍पालाक।

ॱङो़न्‍पा 16:20

धेनी ॱलीङठेन घीरी येरी सोवालाक धेनी री घीरी मेगीन झ्‍युवालाक।

ॱङो़न्‍पा 19:11

धेनी ङी नाम्‍खे श्‍यीङखाम भेगीनगो, थोजुङ धेनी होदुरु ता काउ च्‍यीक दुक। होदे ता खाला छीप्‍खेनगी़ छेनला ॱलोते छोक्‍पा धाङ धेन्‍पा दुक। ढाङतेनगी थोक्‍ने, खोङबागी ठीम्‍चो़ जेगीलाक धेनी ॱमाक टाप्‍कीलाक।

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।

ॱङो़न्‍पा 21:1

धेनी ङी नाम्‍खे श्‍यीङखाम साबा धाङ साश्‍यी साबा थोजुङ घीझ्‍येरी ॱनाना एम्‍मागी ॱनाम धाङ साश्‍यी येरी सोवालाक। धेनी ग्‍याछोगोवाः येरी मेतालाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”

ॱङो़न्‍पा 4:2

धेनी लाम्‍साङ ङा धाम्‍पे थुक्‍ङीगी खाजुङ। धेनी नाम्‍खे श्‍यीङखामदु श्‍युक्‍ठी च्‍यीक दुक धेनी होदे श्‍युक्‍ठीगी खाला श्‍युक्‍कीन च्‍यीक दुक।

ॱङो़न्‍पा 6:14

धेनी स्‍योक्‍टी टीगीन च्‍योक्‍रे, ॱनामगो येरी सोवालाक धेनी रीक्‍या धाङ ॱलीङठेनक्‍या घीरी, राङगी घोक्‍जाने पो़वालाक।