ॱङो़न्‍पा 2:24 - ॱलोवा

²⁴ “हीना दे क्षो़ला ॱमीचीगीन धाङ धी़ सातानगी साङवा तीङरीङाक्‍या मेज्‍याङगीन, खे थीयातीरादु हो़गीन खेक्‍याला ॱनाहीन, ‘ङा खेक्‍याला खु श्‍येम्‍मा घीया कायेमेन।

ॱङो़न्‍पा 2:24 Iomraidhean Croise

जेपा 15:28

धा ची घोगीन लाब ॱनेछागोक्‍या माना, खेराङक्‍याला श्‍येम्‍मा ठीमक्‍याई खु खुरतु ॱमीच्‍युक्‍ये ॱनेरी, धाम्‍पे थुक्‍ङी धाङ हेक्‍याई धेन्‍पा साम्‍जुङ

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

२ कोरीन्‍थुपा 2:11

दे नी, धी़ सातानगी होराङला गोकोर ॱमेताङयेगी क्षीदु झ्‍येवालाक। घीझ्‍येरी ॱनाना खी़ झ्‍यी़क्‍याई कोरला, होराङगी ॱमेस्‍येगीन मालाक।

याकोब 3:15

देरे स्‍येराप नी, को़न्‍क्षोकने मालाक हीना दे नी, जीक्‍तेन धाङ स्‍याठाक धाङ धी़गी स्‍येराप लाक।

ॱङो़न्‍पा 1:11

होदेगी “ख्‍यी़ घी थोङगीनगो धेपला ढीक धेनी दे क्षो़छोक धी़नक्‍या, एफीसु धाङ सीमीरना धाङ पेरगामोन धाङ थीयातीरा धाङ सारती धाङ फीलादेल्‍फीया धाङ लाउदीकेयाला कुर।” सुरी सुङजुङ।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।