ॱङो़न्‍पा 2:2 - ॱलोवा

² ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।

ॱङो़न्‍पा 2:2 Iomraidhean Croise

मेथा 7:23

धेनी ङा खुङक्‍याला सावो ॱनायेहीन, ‘ङी खेक्‍याला नामा ङो ॱमास्‍ये। खे ङेन्‍पा लेगा झ्‍यीगीनक्‍या ङाने ॱहाला सोङ।’

योहान्‍ना 6:6

खोङबाराङगी घी झ्‍यीये हीन्‍गीनगो, खोङबा खेन्‍दा जेदालाक हीना फीलीपला ताक्‍चा झ्‍यीयेला देरे सुवालाक।

गालातीयापा 1:7

ताम्‍शाङ श्‍येम्‍मा नी, हो़या मेतालाक हीना मी रीङगागी खेक्‍याला टुक्‍ती, मास्‍यीकागी ताम्‍शाङगोला ॱयो़ये झ्‍यीदीक।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 5:21

हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

ॱङो़न्‍पा 2:5

होझ्‍येरी ख्‍यो़ घाने ॱहाला माला ल्‍हीम्‍गीनगो, ख्‍यो़ घामोमा साम्‍लो तोङ धेनी राङगी धीक्‍पा पारी सेम ग्‍युरवा तोङ। धेनी एम्‍मा ख्‍यी़ घी झ्‍यीगीनगोराङ झ्‍यी। ख्‍यी़ देरे झ्‍येरी राङगी सेम ग्‍युरवा ॱमेताङना, ङा ख्‍यो़चारु हुङाहीन धेनी ख्‍यी़ क्‍युङगोला होदेगी घोक्‍जाने तो़न्‍येहीन।

ॱङो़न्‍पा 2:6

हीना खीकी स्‍योकला शाङागो घी दुक ॱनाना, ङा च्‍योक्‍रे खेक्‍यागीयाः नीकोलापाक्‍याई लेगाला दाङा झ्‍यीदालाक।

ॱङो़न्‍पा 2:9

ख्‍यी़ दुक्‍पुक्‍या धाङ ख्‍यो़ उटे हो़गीनगो, ङाला स्‍येयेहो़क। हीना ख्‍यो़ नी, क्षुक्‍पुराङ दुक। धेनी याहुदापा मेन्‍दाला राङला याहुदापा हीन ॱनेरी, ॱनागीनक्‍याला ङी ङोस्‍येलीहो़क। धेनी खुङक्‍याई ॱमेटा ताङगीनगो, ङाला स्‍येयेहो़क। खुङक्‍या नी धी़कगी छोक्‍खाङ लाक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।

ॱङो़न्‍पा 3:15

ख्‍यी़ लेगाक्‍या ङाला स्‍येयेहो़क। ख्‍यो़ ढाङा मीदुक, छा मीदुक। ख्‍यो़ ढाङा याङना छा हो़ना ढीक्‍येहो़क।

ॱङो़न्‍पा 3:8

ख्‍यी़ लेगाक्‍या ङाला स्‍येयेहो़क। तो़दाङ, ख्‍यी़ दोङदु सी़याः ग्‍याप ॱमीथुक्‍कीन, घो ङी पेरी श्‍याक हो़क। धेनी ख्‍यो़ला तोपस्‍युक च्‍यीमे हो़गीनगो ङाला स्‍येयेहो़क। घीहीन्‍ना ख्‍यी़ ङी कागो ॱरुङदुक धेनी ङी मीङ ॱमापादुक।