ॱङो़न्‍पा 2:14 - ॱलोवा

¹⁴ हीना ङाला खेक्‍याला क्‍यो़न चुक्‍येगी लाबक्‍या हो़क। खेक्‍याई खोक्‍दु बालामगी क्षो़ला ती़न्‍गीन, मी रीङगा दुक। ईस्‍राएल्‍पाक्‍याला धीक्‍पे नाङदु ॱली़येला, ल्‍हाकुन्‍डाक्‍याला पुपा शामा शाये धाङ लोक्‍येम झ्‍यीयेला बालामगी, बालाकला ॱलाप्‍पालाक।

ॱङो़न्‍पा 2:14 Iomraidhean Croise

मेथा 18:7

धीक्‍पा झ्‍यीदु च्‍युक्‍कीन भारचेक्‍याई क्षीला, दे जीक्‍तेन दे दुक्‍वाली! घीझ्‍येरी ॱनाना भारचे हुङ घोगुलाक हीना सी़ थोक्‍ने भारचे हुङी, होदेगो दुक्‍वाली!

जेपा 15:29

ल्‍हाकुन्‍डाला क्षो़पा पुपा शामा माशा धेनी घीन्‍गीयाः ठाक ॱमाथुङ धेनी मीक्‍पा चीरती सेसा, धी़डोगी स्‍या माशा धेनी लोक्‍येमने जेम्‍दी धो़क। दे लाबक्‍या चीना खेराङक्‍याला घा झ्‍युङगीलाक। खेराङक्‍या घीरीला घा हुङवास्‍योक।”

जेपा 21:25

हीना याहुदापा मेन्‍गीन मीरीकगी धेपा-झ्‍यीगीनक्‍याला ‘कुन्‍डाला पुपा शामा माशा, ठाक ॱमाथुङ धेनी मीक्‍पा चीरती, सेसा धी़डोगी स्‍या माशा धेनी लोक्‍येम झ्‍यीगीन लेगाने थाक्‍रीङबो धो़क’ ॱनेरी हेक्‍याई ढो़ झ्‍येरी यीक ढीक्‍ती कुसाहो़क।”

रोमापा 11:9

धेनी ग्‍यावु दावीदगी देरे सुङालाक, “खुङक्‍याई डो़नगो ॱली़टे धाङ ॱङीपला ग्‍युरास्‍योक, खुङक्‍याई क्षीदु काक्‍दो धाङ ङेन्‍पागी लेन झ्‍युङास्‍योक।

रोमापा 14:13

होझ्‍येरी होराङ च्‍यीकगी च्‍यीकला क्‍यो़न ॱमाचुक। हीना ॱयोल्‍ले राङगी पी़नगी लामला काक्‍दो याङना घाक्‍वा मीझ्‍युङगीन मीछे पी़येला थाक्‍चो़।

रोमापा 14:21

धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।

रोमापा 9:32

घीझ्‍येरी ॱमाथुक्‍पाले? घीझ्‍येरी ॱनाना खुङक्‍याई धेपाला ॱमातेन्‍पा हीना राङगी झ्‍यीगीन लेगाला तेन्‍दी, काल्‍ले ग्‍याप्‍पालाक। खुङक्‍या खोरी लामला हो़गीन धोगोङला थोक्‍ती घेवालाक।

१ कोरीन्‍थुपा 1:23

हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

१ कोरीन्‍थुपा 7:2

हीना लोक्‍येम माङा झ्‍युङगीन झ्‍येरी, केवे-भु रे-रेला केमी रे-रे हुङघो़ धेनी केमी रे-रेला ख्‍योवा रे-रे हुङघो़।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।

१ पेटो 2:8

धेनी, “थोक्‍ती गेगीन धोरुक धाङ घेरु च्‍युक्‍कीन फोङगीङला ग्‍युर।” खुङक्‍या गेलालाक घीझ्‍येरी ॱनाना खुङक्‍या काला मेङेन्‍दालाक। धेनी खुङक्‍याई क्षीला देरेराङ झ्‍युङयेला, एम्‍मानेराङ थाक्‍चो़ जे हो़तालाक।

२ पेटो 2:15

खुङक्‍याई ढाङतेनगी लाम पारी, लाम नोरती बेओरगी भीजा बालामगी स्‍याबाला डाङ हो़तालाक। खो नी मेढाङा झ्‍येरी, थोप्‍कीन ॱलाज्‍याला घालालाक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।

ॱङो़न्‍पा 2:20

हीना ख्‍यो़ला ङा क्‍यो़न च्‍यीक चुक्‍येहो़क। ख्‍यो़ एजेबेल ॱनागीन भोमोला शो़पा झ्‍यीदीक। मो मोराङला ॱङो़नस्‍येखेन च्‍यीक हीन ॱनालाक धेनी ङी श्‍याप्‍चीक्‍याला लोक्‍येम झ्‍यीये धाङ ल्‍हाकुन्‍डाक्‍याला पुपा शामा शाये ॱलाप्‍ती, खुङक्‍याला ॱली़लालाक।

ॱङो़न्‍पा 2:4

“हीना ख्‍यी़ गोमाला हो़गीन चेवा पाङगीनगी क्‍यो़नगो, ङा ख्‍यो़ला तो़न्‍येहो़क।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।