ॱङो़न्‍पा 2:13 - ॱलोवा

¹³ धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 2:13 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

लुका 21:17

ङी मीङगी झ्‍येरी घीरीगी, खेक्‍याला दाङा झ्‍यीगीलाक।

जेपा 22:20

धेनी खेराङगी पाङपो तेरकीन सेतेफेनला ठाक ॱमाशीङी सेदी घाङला, ङा होदुरुराङ हो़तालाक। धेनी खोला सेगीनक्‍यामुला ङा थी़न्‍दी, खुङक्‍याई घोलाक ॱरुङदी धेबी।’

जेपा 9:14

धेनी खो क्षो़पो़न क्षेक्‍याई आङजाने, खेराङगी छेन भो़गीन घीरीला शीम्‍दु दुरु होदुक।”

१ थेसालोनीकेपा 5:21

हीना घीरीला छो़ता झ्‍यी धेनी शाङागोला तेन्‍पोमा शीम्‍दी धो़क।

१ तीमोथेउ 5:8

हीना राङगी पी़न्‍दाक्‍या धाङ ॱमीक्‍से राङगी नाङमीला ॱमेतागीनक्‍याई, राङगी धेपा पाङालाक धेनी खुङक्‍या धेपा मीझ्‍यीगीनक्‍याने दुक्‍वालाक।

२ तीमोथेउ 1:13

मास्‍यीका येशुगी नाङ हो़गीन धेपा धाङ झाम्‍पागी गोने, ख्‍यो़ ङाने घोरकीन ॱलापच्‍या धेन्‍पाक्‍या तेन्‍पो ॱरुङ च्‍यीक।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

ईब्‍रीपा 10:23

होरी खेलेन झ्‍येजा रेवाला तेन्‍पोमा ॱरुङघो़ घीझ्‍येरी ॱनाना धाम्‍चा जेगीन को़न्‍क्षोक नी, ॱलोते छोक्‍पा हो़तालाक।

ईब्‍रीपा 3:6

हीना मास्‍यीका नी, को़न्‍क्षोकगी नाङमी खाला से च्‍योक्‍रे ॱलोते छोक्‍पा हो़तालाक। धा होरी रेवाला होराङ ॱङीङक्षे झ्‍ये धेनी ॱलोते तेन्‍पो श्‍याक्‍ना, होराङ को़न्‍क्षोकगी नाङमी लाक।

याकोब 2:7

धेनी खेक्‍याई तो़पा पुगीन धाङ खीकी ढेवा हो़गीन छेन गोला, कुरवा धेप्‍कीनगो खुङक्‍या माले?

ॱङो़न्‍पा 11:3

धेनी ङी पाङपो ॱङीउगोला, ङा ङीमा तोङ च्‍यीक धाङ ङीग्‍या ढुक्‍चु थुक्‍पे, चारे घो़न्‍दी ॱङो़न स्‍येयेगी आङ तेरयेहीन।”

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 13:2

ङी थोथा सेम्‍चेनगो शीक च्‍योक्‍रे दुक धेनी होदेगी काङबागो, दोमगी काङबा धाङ खागो सीङगेगी खा च्‍योक्‍रे दुक। धेनी होदे डुकगी, होदे सेम्‍चेनगोला राङगी नी़थु धाङ राङगी ठी धाङ राङगी आङजा क्षेगो तेरपालाक।

ॱङो़न्‍पा 14:12

दे नी को़न्‍क्षोकगी का ॱरुङगीन धाङ येशुला धेपा झ्‍यीगीन धाम्‍पे मीक्‍याई क्षीदु, शो़पागी भो़टाक लाक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 17:6

धेनी होदे भोमोगी़ येशुला, धेन्‍पाङ झ्‍यीगीन धाम्‍पे मीक्‍याई ठाक थुरी शीगीनगो, ङी थोजुङ। होदेला थोरी ङा ॱमीच्‍यीकी ॱहाङसाजुङ।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।

ॱङो़न्‍पा 3:11

ङा ग्‍योक्‍जे हुङाहीन। धेनी ख्‍यी़ चो़पेनगो सी़या ठोक ॱमीथुक्‍येगी क्षीदु, ख्‍यी़मुला घी हो़गीनगो तेन्‍पोमा झ्‍येरी ॱरुङ।

ॱङो़न्‍पा 3:3

होझ्‍येरी ख्‍यो़ला घी थोप्‍था धाङ ख्‍यी़ घी घोरकागोला तेन्‍पोमा ॱरुङ धेनी राङगी धीक्‍पा पारी सेम ग्‍युरवा तोङ। धेनी ख्‍यो़ ॱङीने ॱमेसो़ना, ङा ख्‍यो़चारु कुमा च्‍योक्‍रे हुङयेहीन धेनी ङा हुङगीनगी धी़चो़गो ख्‍यी़ ॱमेस्‍येगीलाक।