ॱङो़न्‍पा 19:7 - ॱलोवा

⁷ होराङ घागा की-की झ्‍यी धेनी ङ्यामो घाउ धेनी खोङबाला शीजे पुलो। घीझ्‍येरी ॱनाना लुक्‍टुगी ॱनामा लेन्‍येगी धी़गो ॱलेप्‍दुक। धेनी खोङबागी भाक्‍मागी राङला डाढीक झ्‍येदुक।

ॱङो़न्‍पा 19:7 Iomraidhean Croise

मेथा 1:20

हीना खो देरे साम्‍लो ताङी धेती घाङला, चोवो को़न्‍क्षोकगी भाङछेन च्‍यीक खी़ ॱमीक्‍लाम नाङला ज्‍यारी, देरे सुवालाक, “दावीद ग्‍युपागी योसेफ, मीरीयामला राङगी केमी शोयेला माजीक घीझ्‍येरी ॱनाना मी़ ली़ला ॱनेगीन दे, धाम्‍पे थुक्‍ङीगी थोक्‍ने लाक।

मेथा 22:2

“नाम्‍खागी ग्‍यासी दे, ग्‍यावु च्‍यीकगी राङगी सेगी क्षाङसाला श्‍युक्‍टा कागीन च्‍योक्‍रे लाक।

लुका 12:36

खोराङक्‍याई दाक्‍पो ॱनामा लेन्‍साने नाम लोक्‍ती हुङमेयोङ, ॱनेरी घुक्‍ती धेगीन धाङ घो दुङी घाङला, लाम्‍साङ घो पेगीन ॱयोक्‍पोक्‍या च्‍योक्‍रे खेक्‍या झ्‍युङघोगीलाक।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।

एफीसुपा 5:32

दे नी साङवा क्षे च्‍यीक लाक धेनी दे लाब दे ङा मास्‍यीका धाङ क्षो़छोकला ॱमीक्‍ती ॱनाहीन।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

ॱङो़न्‍पा 11:13

होदे धी़लाराङ सुङगु क्षे च्‍यीक सोवालाक धेनी ग्‍याजागी दुबु च्‍युने च्‍यीक धीप्‍पालाक। धेनी सुङगुगोला मी तोङ धी़न स्‍यीवालाक। धेनी ल्‍हाक्‍मा ल्‍हाक्‍लाक्‍या जीक्‍पालाक धेनी खुङक्‍याई नाम्‍खे श्‍यीङखामगी, को़न्‍क्षोकला तो़पा पुवालाक।

ॱङो़न्‍पा 19:9

धेनी होदे नाम्‍खे भाङछेनगी ङाला सुजुङ, “दे ढीक। लुक्‍टुगी ॱनामा लेन्‍जारु डो़नला भो़पाक्‍या झ्‍यीलाप क्षे लाक।” धेनी याङ खोङबागी ङाला सुजुङ, “देक्‍या नी को़न्‍क्षोकगी सुङला धेन्‍पाक्‍या लाक।”

ॱङो़न्‍पा 21:2

धेनी ङी धाम्‍पे ग्‍याजा याङना येरुसालेम साबागो, राङगी माक्‍पागी क्षीदु छो़ शाप्‍ती धेता भाक्‍मा च्‍योक्‍रे, को़न्‍क्षोकने नाम्‍खे श्‍यीङखामने माला भाप्‍कीनगो थोजुङ।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”