ॱङो़न्‍पा 19:6 - ॱलोवा

⁶ धेनी मीछोक क्षेगी केक च्‍योक्‍रे च्‍यीक, ग्‍युक्‍क्षुगी हुरडा धाङ डुक्‍डागी केक च्‍योक्‍रे च्‍यीकगी, देरे ॱनागीनगो ङी घोरजुङ, “हालेलुयाह! घीझ्‍येरी ॱनाना होरी चोवो को़न्‍क्षोक कुवाङगी ग्‍यासी क्‍योङा जेदालाक।

ॱङो़न्‍पा 19:6 Iomraidhean Croise

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

ॱङो़न्‍पा 1:15

खोङबागी श्‍याप नी, मेथाप नाङ हो़ ठाछाई झ्‍येजा लीदीङ च्‍योक्‍रे धाङ खोङबागी सुङकेक नी, क्षु चाङबुगी हुरडा च्‍योक्‍रे दुक।

ॱङो़न्‍पा 1:8

“ङा नी, आल्‍फा धाङ ओमेगागो हीन।” सुरी, चोवो को़न्‍क्षोक सुङालाक। खोङबा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन, ॱलानामेपे को़न्‍क्षोक लाक।

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।

ॱङो़न्‍पा 14:2

धेनी नाम्‍खे श्‍यीङखामने ग्‍युक्‍क्षु क्षेगी हुरडा धाङ डुक्‍डा क्षेगी केक च्‍योक्‍रे, थो़न्‍गीन सुङकेक च्‍यीक ङी घोरजुङ। ङी घोरका सुङकेक दे, पीवाङ ताङगीनक्‍याई पीवाङ ताङगीन ढा च्‍योक्‍रे दुक।

ॱङो़न्‍पा 19:1

होदे स्‍याम्‍ने, ङी नाम्‍खे श्‍यीङखामने मीछोक क्षेगी केक च्‍योक्‍रे च्‍यीक, देरे ॱनागीनगो घोरजुङ, “हालेलुयाह! थारपा धाङ शीजे धाङ वाङ, होरी को़न्‍क्षोकगी लाक।

ॱङो़न्‍पा 19:4

धेनी होदे ॱलोपो़न ङीस्‍यु चापश्‍यी धाङ सेम्‍चेन श्‍यीगी श्‍युक्‍ठीला श्‍युक्‍कीन, को़न्‍क्षोकगी डुङदु ली़ साला दाप्‍ती देरे ॱनेरी क्षाक्‍क्षो़पा पुवालाक, “आमेन। हालेलुयाह!”

ॱङो़न्‍पा 21:22

धेनी ङी होदे ग्‍याजा नाङदु क्षो़खाङ ॱमाथोजुङ घीझ्‍येरी ॱनाना चोवो कुवाङ को़न्‍क्षोक धाङ लुक्‍टु, खोङबाक्‍याराङ होदेगी क्षो़खाङ लाक।

ॱङो़न्‍पा 4:5

धेनी होदे श्‍युक्‍ठी नाङने ॱलोक्‍मारगी, हो़क्‍या धाङ धीरडा धाङ डुककेगी डाक्‍या थो़न्‍दी होवालाक। धेनी होदे श्‍युक्‍ठीगी दोङदु मेगी क्‍युङ धी़न भारती धे हो़तालाक। होदेक्‍या नी, को़न्‍क्षोकगी थुक्‍ङी धी़न लाक।

ॱङो़न्‍पा 6:1

धेनी लुक्‍टुगी़ होदे थेचे धी़नक्‍याने च्‍यीक स्‍यीक्‍कीनगो, ङी थोङी घाङला सेम्‍चेन श्‍यीक्‍याने च्‍यीकगी, डुक दीरकीन च्‍योक्‍रे केकला “स्‍योक” ॱनागीनगो, ङी घोरजुङ।

ॱङो़न्‍पा 8:5

धेनी नाम्‍खे भाङछेनगी पो़फोरगो खेरती, क्षो़ठीगी मेगी पो़फोरगो कावालाक। धेनी साश्‍यीगी खाला तोरपालाक। धेनी होदुरु डुक्‍डा धाङ केडा धाङ ॱलोक्‍मार थो़न्‍बालाक धेनी सुङगु सोवालाक।