ॱङो़न्‍पा 18:6 - ॱलोवा

⁶ मी़ श्‍येम्‍माला झ्‍येजा च्‍योक्‍रे मोला झ्‍यी। मी़ झ्‍येजाने दाप ॱङी मोला ॱलोक। मी़ श्‍येम्‍माला डाढीक झ्‍येजा दुक्‍पुगी घुन्‍क्षाङने, दाप ॱङी घारा, मी़ फोरा नाङदु ॱलुक।

ॱङो़न्‍पा 18:6 Iomraidhean Croise

२ तीमोथेउ 4:14

शाङ शोगीन आलेक्‍जेन्‍डारगी ङाला ॱमीच्‍यीकी ॱनो़ क्‍याजुङ धेनी खी़ झ्‍येजागी लेन, चोवोगी खोला ॱनाङगीलाक।

ॱङो़न्‍पा 13:10

“चो़नदु डो घोगीनक्‍या चो़नदुराङ डुगीलाक, धेनी राल्‍डीगी सेये हीन्‍गीनक्‍या राल्‍डीने राङ सेगीलाक।” दे नी को़न्‍क्षोकगी मीक्‍याई क्षीदु, शो़पा धाङ धेपागी भो़टाक च्‍यीक लाक।

ॱङो़न्‍पा 14:10

होदे मीगीयाः को़न्‍क्षोकगी थुक्‍ठो़गी छो़स्‍याल नाङदु घीया ॱमारेवा ॱलुक्‍ला, को़न्‍क्षोकगी थुक्‍ठो़गी घुन्‍क्षाङगो थुङगीलाक। धेनी धाम्‍पे नाम्‍खे भाङछेनक्‍या धाङ लुक्‍टुगी डुङदु, खोला मे धाङ मुशेगी दुक्‍पु ताङगीलाक।

ॱङो़न्‍पा 16:19

धेनी बाबीलोनगी ग्‍याजा क्षेगो दुबु सुमला गेवालाक धेनी साश्‍यीक्‍याई ग्‍याजाक्‍या धीप्‍पालाक। को़न्‍क्षोकगी बाबीलोन ग्‍याजा क्षेगोला ढेन्‍बालाक धेनी राङगी थुक्‍ठो़गी घुन्‍क्षाङ खाङखा फोरागो, मोला थुङदु च्‍युक जेपालाक।

ॱङो़न्‍पा 17:2

होदेमुला साश्‍यीगी ग्‍यावुक्‍याई, लोक्‍येम झ्‍येदुक धेनी मी़ लोक्‍येमगी घुन्‍क्षाङ थुरी, साश्‍यीगी मी घीरी शीरी धेदुक।”

ॱङो़न्‍पा 17:4

होदे भोमोगी़ घो़ ग्‍यामुक धाङ ॱमाउ घो़न हो़तालाक धेनी सेर धाङ धो रीन्‍पोक्षे धाङ मुतीकक्‍याई गेन्‍छाक्‍याई तुम हो़तालाक। मी़ लाक्‍पाला आम्‍लोवा धाङ राङगी लोक्‍येमगी ॱमेचाङा दो़नक्‍याई खाङखा, सेरगी फोरा च्‍यीक शीम्‍दी धे हो़तालाक।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”