ॱङो़न्‍पा 17:3 - ॱलोवा

³ धेनी ङा धाम्‍पे थुक्‍ङीगी खारी, होदे नाम्‍खे भाङछेनगी ङाला रीतोङ च्‍यीकला ठीया जेजुङ। धेनी ङी होदुरु गोवा धी़न धाङ राक्‍योक च्‍यु हो़गीन धाङ को़न्‍क्षोकला कुरवा धेप्‍कीन मीङक्‍याई खाङखा सेम्‍चेन ॱमाउ च्‍यीकगी खाला धेता, भोमो च्‍यीकला थोजुङ।

ॱङो़न्‍पा 17:3 Iomraidhean Croise

मेथा 27:28

धेनी खुङक्‍याई खोङबागी नाशा पी़दी, फीघो़ ग्‍यामुक च्‍यीक को़न्‍बालाक।

जेपा 8:39

खुङ ॱङीउ क्षुने फीला थो़न्‍दी घाङला, चोवो को़न्‍क्षोकगी थुक्‍ङीगी फीलीपला लाम्‍साङ खेरती सोवालाक। धेनी होदे ॱङुङेरगी, धाब्‍ले खोला नामा ॱमाथोवालाक हीना खो ॱमीच्‍यीकी ङ्यामो घी-घी सोवालाक।

२ थेसालोनीकेपा 2:4

मी दी ल्‍हा ॱनागीन धाङ क्षाक्‍क्षो़पा पुगीन घीरीला ङोलोक झ्‍येरी, खोराङ होदे घीरीगी थोकला धेगीलाक। धेनी को़न्‍क्षोकगी क्षो़खाङ नाङला धेती, राङ-राङला को़न्‍क्षोक हीन ॱनागीलाक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।

ॱङो़न्‍पा 12:14

हीना होदे डुकगी लाकने क्‍योप्‍ती, रीतोङ स्‍योकला फुरती डोयेगी क्षीला, मोला झ्‍यालाक क्षेगी स्‍योक्‍पा ॱङी तेर हो़तालाक। होदे रीतोङ नी, लो सुम धाङ फे थुक्‍पे होदे भोमोगी सो़क्‍योङ झ्‍यीयेगी क्षीदु डाढीक झ्‍येवालाक।

ॱङो़न्‍पा 12:3

धेनी नाम्‍खे श्‍यीङखामदु ताक श्‍येम्‍मा च्‍यीक थोवालाक। गोवा धी़न धाङ राक्‍योक च्‍यु झ्‍येजा धेनी गोवा धी़न्‍बोगी खाला चो़पेन रे-रे घो़न्‍गा डुक ॱमाउ क्षे च्‍यीक थोवालाक।

ॱङो़न्‍पा 12:6

धेनी भोमोगो रीतोङ स्‍योकला डो़री सोवालाक। होदुरु मोला ङीमा च्‍यीकतोङ ङीग्‍या ढुकच्‍यु थुक्‍पे सो़क्‍योङ झ्‍यीयेला, को़न्‍क्षोकगी एम्‍मानेराङ मी़ क्षीला होदे धेजा डाढीक जे हो़तालाक।

ॱङो़न्‍पा 17:18

ख्‍यी़ थोथा होदे भोमोगो नी, साश्‍यीगी ग्‍यावुक्‍याई खाला वाङग्‍युर झ्‍यीगीन, होदे ग्‍याजा क्षेगो लाक।”

ॱङो़न्‍पा 17:4

होदे भोमोगी़ घो़ ग्‍यामुक धाङ ॱमाउ घो़न हो़तालाक धेनी सेर धाङ धो रीन्‍पोक्षे धाङ मुतीकक्‍याई गेन्‍छाक्‍याई तुम हो़तालाक। मी़ लाक्‍पाला आम्‍लोवा धाङ राङगी लोक्‍येमगी ॱमेचाङा दो़नक्‍याई खाङखा, सेरगी फोरा च्‍यीक शीम्‍दी धे हो़तालाक।

ॱङो़न्‍पा 18:12

छोङ-शोकक्‍या नी, सेर धाङ ॱङु धाङ धो रीन्‍पोक्षे धाङ मुतीकक्‍या धाङ रे पी़माक्‍या धाङ रे ग्‍यामुकक्‍या धाङ दारघो़ धाङ रे ॱमाउक्‍या धेनी ढीस्‍यीम हो़गीन स्‍यीङ ॱनाछोक धाङ ॱलाङछेनगी छेवाने शो़सा च्‍यालाक ॱनाछोक धेनी रीङक्षे स्‍यीङ धाङ लीदीङ धाङ च्‍याक धाङ दो कामारुगी शो़सा च्‍यालाक ॱनाछोक,

ॱङो़न्‍पा 18:16

‘आच्‍ची! आच्‍ची, ख्‍यो़ ग्‍याजा क्षे, ख्‍यो़ रे पी़मा धाङ ग्‍यामुक धाङ ॱमाउ घो़न्‍गा, धेनी सेर धाङ धो रीन्‍पोक्षे धाङ मुतीकक्‍याई गेन्‍छा घो़न्‍गा।

ॱङो़न्‍पा 21:10

धेनी धाम्‍पे थुक्‍ङीगी थोक्‍ने, खोङबागी ङाला री क्षे थोवा च्‍यीकगी गाङला ठीया जेजुङ, धेनी खोङबागी ङाला धाम्‍पे ग्‍याजा येरुसालेम, को़न्‍क्षोकने नाम्‍खे श्‍यीङखामने भाप्‍कीनगो तो़न जेजुङ।

ॱङो़न्‍पा 4:2

धेनी लाम्‍साङ ङा धाम्‍पे थुक्‍ङीगी खाजुङ। धेनी नाम्‍खे श्‍यीङखामदु श्‍युक्‍ठी च्‍यीक दुक धेनी होदे श्‍युक्‍ठीगी खाला श्‍युक्‍कीन च्‍यीक दुक।