ॱङो़न्‍पा 17:14 - ॱलोवा

¹⁴ खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 17:14 Iomraidhean Croise

मेथा 22:14

धेनी येशुगी सुवालाक, “घीझ्‍येरी ॱनाना भो़पाक्‍या माङा हो़तालाक हीना दाम्‍दाक्‍या ङ्युङा हो़तालाक।”

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

रोमापा 1:6

धेनी खुङक्‍यामुला खेक्‍याः, येशु मास्‍यीकागी मी झ्‍युङयेला भो़पाक्‍या लाक।

रोमापा 8:30

धेनी खोङगी खुङक्‍याला दामा जेदी, खुङक्‍याला राङचारु भो़याः जेपालाक। धेनी खोङगी राङचारु भो़ जेजाक्‍याला, ढाङपोवाः जेपालाक। धेनी ढाङपो जेजाक्‍याला राङगी शीजेगोवाः ॱनाङा जेपालाक।

रोमापा 8:37

हीना दे ॱनेछु घीरीगी नाङलाः हेला झाम्‍पा जेगीनगी थोक्‍ने, हेला ग्‍याखा छाङगो थोप हो़तालाक।

१ कोरीन्‍थुपा 15:24

धेनी खोङगी वाङ झ्‍यीगीन धाङ आङजा ॱना घीरी धाङ नी़थु घीरीला मेताला जेसारती, धेनी याप को़न्‍क्षोकला ग्‍यासीगो पुली घाङला, थामे धी़गो ॱलेप्‍कीलाक।

१ तीमोथेउ 6:15

धेनी झ्‍यीलाप्‍चेन धाङ ग्‍यावुक्‍याई, ॱलानामेपे ग्‍यावु धाङ चोवोक्‍याई चोवोगी धी़चो़ भाप्‍कीन छो़ला ॱङो़न्‍दु च्‍युक्‍कीलाक।

२ तीमोथेउ 2:4

ॱमाक्‍मी च्‍यीकगी ॱमीक्‍यु राङगी पो़न्‍पोला च्‍यीगा घारु च्‍युक्‍ये हुङालाक, होझ्‍येरी खो ङीन्‍रेगी लेगाक्‍याला ॱमेथेलालाक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

ॱङो़न्‍पा 11:7

धेनी खुङक्‍याई राङगी धेन्‍पाङगो झ्‍येसारती, थी मेगीन दोङ-दोङने थो़न्‍दी हुङगीन सेम्‍चेनगो, खुङक्‍यामुला थाप्‍कीलाक धेनी खुङक्‍या खाला ग्‍यारी खुङक्‍याला सेगीलाक।

ॱङो़न्‍पा 16:14

देक्‍या नी ॱहालेवा ताकक्‍या तो़न्‍गीन डेगी सेम्‍ङीक्‍या लाक। कुवाङ को़न्‍क्षोकगी ङीमा खाक्‍क्षेगोला, ॱमाक टाप्‍येगी क्षीदु दे, सेम्‍ङीक्‍या जाम्‍बुलीङ घीरीगी ग्‍यावुक्‍या चारु सोरी खुङक्‍याला रुप्‍पालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।